ئەفسوسیێل 2:8 - کتاب مقدس به زبان کردی جنوبی - گویش کلهوری

⁸ چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

ئەفسوسیێل 2:8 ပူးပေါင်းရင်းမြစ်များ

ئنجیل مەتا 16:17

عیسایش جواو دا: «خوەش وه حاڵ تو، شەمعون، کوڕ یونا! چوینکه گوشت و خوین ئیه ئەڕاد ئاشکرا نەکردیه، بەڵکەم باوگ مه که ها ناو ئاسمان.

ئنجیل مەتا 20:9

کارکەریلێ که سات پەنج ئێواره هاتوین، نەفەرێگ یەێ دینار گردن.

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

لوقا 7:50

عیسا وه ئەو ژنه وەت: «ئیماند نجاتد دا، وه سڵامەت بچو!»

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

یوحەنا 6:35

عیسا وەپێان وەت: «منم نان زنەیی دەر. هەر کەس باێه ئەڕا لام، ورسی نیود، هەر کەیش ئیمان بارێه پێم هەراێهەر تیەنی نیود.

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یوحەنا 6:44

هویچکەس نیەتویەنی باێه ئەڕا لام، مەر ئیه که باوگێ که کلم کرد، ئەوه بارێده ئەڕا لاێ مه، منیش وه ڕوژ ئاخر زنیەو کەم.

یوحەنا 6:65

ئمجا عیسا وەت: «وه ئی بونه وەپێدان وەتم هویچکەس نیەتویەنی باێه ئەڕا لام، مەر ئیه که له لاێ باوگ ئاسمانی بێریده پێ.»

کاریل ڕەسولەیل 13:39

هەر کەس ئیمان بارێ، له ڕێ ئەیو له هەر چشتێگ که نەتویەنسیه وەگەرد شەریعەت موسا له لێ ڕزگار بود، ڕزگاری پەێا کەێ.

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

کاریل ڕەسولەیل 15:11

وەلێ ئیمه ئیمان دێریم که وه فیز خوداوەند عیساس که نجات پەێا کردیمنه، ئەوانیش هەر ئیجوره.»

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 16:31

جا وەتن: «وه خوداوەند عیسا مەسیح ئیمان بار که خوەد و ئاڵ ماڵەگەد نجات پەێا کين.»

رومیەگان 10:14

ئێ چوی کەسێگ بچڕن که ئیمانه پێ ناوردنه؟ چوی وه کەسێگ ئیمان بارن که هویچ وەخت له باوەتێەو نەشنەفتنه؟ چوی بشنەفن، بی ئیه که کەسێگ ئەڕاێان بانگەوازی بکێ؟

رومیەگان 10:17

جا ئیمان له شنەفتن تێد و شنەفتن، له ڕێ کەڵام مەسیحه.

رومیەگان 4:16

وه ئی بونەسه که واده پاڵەو داسه ئیمان تا وه پێ فیز بود و زمانەتێگ بود ئەڕا گشت نەتەوەێ ئێبراهیم، یانێ نه تەنیا ئەڕا ئەوانه که کەفتنەسه شون شەریعەت، بەڵکەم هەر ئیجوریشه ئەڕا کەسیلێ که وەناو ئیمان ئێبراهیمیش که باوگ گشتمانه، بەشدارن.

رومیەگان 4:5

کەسێگ که کار نیەکێ، بەڵکەم پشت داسه خوداێگ که خودانەناسیل سالحان حساو کەێ، ئیمانێ ئەڕاێ سالح بوین وه حساو تێی.

رومیەگان 9:16

جا وه خاست یا تەقالا کردن ئایەم نیه، بەڵکەم وه خوداێگه که بەزەیی کێ.

نامه وە غەلاتییل 3:14

ئەیو ئیجوره کرد تا بەەرکەت ئێبراهیم وەناو مەسیح عیسا نسیو ناجویلەکەیل بود، تا روح خودا که وه ئیمه وادەێ دریاوی، له ڕێ ئیمان بێرێیده پێمان.

نامه وە غەلاتییل 3:22

وەلێ کتاو موقەدەس وەت که گشت چشتێگ گیرودەێ بەن گوناس، تا ئەو واده که له ڕێ ئیمان وه عیسا مەسیحه‎، بێرێیده ئەوانه که ئیمان دێرن.

ئەفسوسیێل 1:19

هەر ئیجوره تا بزانین هێز بی ئەنازەی گەورەێ ئەیو وه ئیمه که ئیمان دێریم، چەس. ئی هێزه، له تویەناێ گەورەێ خودا که دێرێ کار کەی، سەرچاوه گری

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

نامەێ فیلیپییل 1:29

چوینکه ئی شانازیه نسیو ئیوه بیه که نه تەنیا وه مەسیح ئیمان بارین، بەڵکەم وەبونەێ ئەیو رەنجیش بکیشین.

نامه وه کولوسییل 2:12

وەناو خوسڵ تەعمید، وەگەرد مەسیح نریاینەسه قەور و وەگەردیەو زنییشەو بینه، له ڕێ ئیمان وه کار هێزدار خوداێگ که مەسیح له مردگیل زنیەو کرد.

دویم تسالونیکییل 1:9

سزاێ ئیانه نابودی هەمویشەیه، دویر بین له لاێ خوداوەند و له جەڵاڵ هێز ئەیوه،

عبرانییل 6:4

چوینکه ئەوانەێ که یەێ جار وه نویر خودایی نویرانیەو بینه و تام ئەو خەڵاتی ئاسمانیه کردنه و وەناو روح‌القودوس بەشدارەو بینه

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛