ئەفسوسیێل 2:20 - کتاب مقدس به زبان کردی جنوبی - گویش کلهوری

²⁰ ئیوه له سەر بنەواێگ نریاینەسه پاوه که ڕەسولەیل و نەبوەتکەریل داێنانه، که مەسیح عیسا خوەێ گرنگترین کوچگ ئەو بەناسه.

ئەفسوسیێل 2:20 ပူးပေါင်းရင်းမြစ်များ

ئنجیل مەتا 16:18

منیش وەپێد ئویشم که تو پتروسی که وه ماناێ تاش کەمەره، وه مل ئی تاش کەمەره، کلیساێ خوەم درس کەم. دەروازەیل جهان مردگیل وه ملێ زاڵ نیەون.

ئنجیل مەتا 21:42

عیسا وەپێان وەت: «هویچ وەخت وەناو کتاو زەبور نەخوەنینه که: «”کوچگی که بەناگان ڕەدێ کردن، بیەسه گرنگترین کوچگ بنەوا؛ خوداوەند ئیجوره کردێه و لەوەر چەو ئیمه کار ئەڵاجویێگە“؟

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

نامه وە غەلاتییل 2:9

جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

یەکم پتروس 2:6

چوینکه له ناو کتاو ئەشعەیاێ پەێخەمەر هاتێه که:‏ «بنوڕ، له بان کویەێ سەهیون کوچگیگ دا نەم، کوچگیگ که گرنگترین کوچگ بنەواس، هەڵوژاریای و گران قیمەت؛ هەر کەس که ئیمان بارێده پێ شەرمزار نیود.»

وەحی وه یوحەنا 21:14

جا دیوار شارەگه دوانزه بنەوا داشت که وه ملێانەو ناو دوانزه ڕەسول وەرکەگه نویسریاوی.