ئەفسوسیێل 2:2 - کتاب مقدس به زبان کردی جنوبی - گویش کلهوری

² یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

ئەفسوسیێل 2:2 ပူးပေါင်းရင်းမြစ်များ

ئنجیل مەتا 11:19

کوڕ ئنسان هات، خوێد و نوشید؛ ئویشن، ”بنوڕنه ‎پێەو پیاێگه نوسن و شراو خوەر، دوس باجگریل و گوناکاریل.“ وەلێ ڕاسی و درسی زانیاری، وه کردەوەیلێەو کەفێده دەیشت.»

ئنجیل مەتا 13:22

تویەمی که کەفێه ناو دڕگیل، کەسێگه که کەڵام شنەفێ، وەلێ نگرانییل ئی جهان و فریو دەوڵەمەنی، کەڵامەگه خنکنێد و بی بەرێ کەێد.

ئنجیل مەتا 13:38

زەویزار، ئی جهانەسه؛ تویەم خاسیش، ڕوڵەیل پادشایی خوەدان. غەلتاسەگان، ڕوڵەیل ئەو شەڕئاشونه؛

مەرقوس 4:19

وەلێ نگرانییل ئی جهان و فریو دەوڵەمەنی و هەوەس چشتیلتر چوده ناو دڵیان و کەڵام خنکنێ و بی بەرێ کێ.

لوقا 16:8

«ئەرواو، وه کاروەدەس فێڵباز ئافەرمێگ وەت، چوینکه له ڕوی فام کار کردوی؛ وەبونەێ ئیه که مناڵیل ئی دەوره زەمانه وه هەڵس بنیش وەگەرد هاودەورەیلێان، وه مناڵیل نویر زاناترن.

لوقا 22:31

«شەمعون، شەمعون، شەیتان ئجازه تواس ئیوه جور گەنم وێژنگدان بکێ.

یوحەنا 12:31

ئێرنگه وەخت داوەری ئی جهانەسه؛ ئێرنگه سەروک ئی جهانه دەر کریەد.

یوحەنا 13:2

وەخت نان ئێواره بی. ئبلیس وەرجەوە ناویه دڵ یەهوداێ ئەسخەریوتی، کوڕ شەمعون، که عیسا بێیده دەس دشمەنەو.

یوحەنا 13:27

جا یەهودا وەختێ تیکه نانەگە گرد، شەیتان چیه ناوێەو. عیسا وەپێ وەت: «ئەو کاره که تواێ بکی، زویتر بکه.»

یوحەنا 14:30

وەخت فرەێگ نەمنیه که وەگەرددانەو قسیه بکەم، چوینکه سەروک ئی جهانه دێرێ تێی. ئەوه هویچ قوڕاتیگ نیەتویەنێ ئەڕام بێید؛

یوحەنا 15:19

ئەگەر ئیوه هن جهان بویاتیاین، جهان ئیوه جور ئەوانه که هن خوەێن، دوسدان داشت. وەلێ ئیوه هن جهان نین، بەڵکەم من ئیوه له جهان هەڵوژاردمه، وه ئی بونه جهان قینێ له لێدان تێ.

یوحەنا 16:11

له باوەت داوەری، چوینکه سەروک ئی جهانه ماکوم کریاس.

یوحەنا 7:7

جهان نیەتویەنی له ئیوه قینێ باێ، وەلێ له مه قینێ تێ، چوینکه مه له باوەتێەو شاێەتی دەم که کاریلێ گەنه.

یوحەنا 8:23

عیسا وەپێان وەت: «ئیوه هن خوارین، مه هن بانم. ئیوه هن ئی جهانینه، مه هن ئی جهانه نیم.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

کاریل ڕەسولەیل 19:35

دەس ئاخر، داروخەێ شار جەماێەتەگه ئارام کرد و وەت: «ئێ پیاێل ئەفسوس، کیه که نەزانی شار ئەفسوس نگابان مابەد ئارتمیس گەورا و پێکەرەگەێ ئەوەسه که له ئاسمانەو هاتیەسه خوار؟

کاریل ڕەسولەیل 5:3

وەلێ پتروس وەت: «ئێ حەنانیا، ئەڕا هیشتی شەیتان ئیجوره دڵد پڕەو بکێ که وه روح‌القودوس درو بویشی و له پویل زەویەگەد بەشێگ ئەڕا خوەد هەڵبگرێ؟

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

یەکم قورنتییل 5:10

وەلێ مەبەستم ئیه نوی که وەگەرد داوانپێسیل ئی جهانه یا وەگەرد تەماکاریل یا فێڵبازیل یا بتپەرەسیل هات‎بچو نەکێن، چوینکه ئەو وەخته باێه ئی جهانه بیلێنه جێ و بچین.

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

نامه وە غەلاتییل 1:4

هەر ئەیو عیسا مەسیحه که خوەێ ئەڕا گونایل ئیمه بەخشا تا ئیمه وه پێ خاست خودا و باوگ ئاسمانیمان له ئی دورەی شەڕئاشویه که هایمنه ناوێ ڕزگارمان بکێ

ئەفسوسیێل 1:21

فره بانتر له هەر فەرمانرەوایی و دەسڵات و هێز و حوکمرانی و بانتر له هەر ناوێگ که بود بنێدەێ بان هەر کەسێگ، نه تەنیا وه ئی دەوره، بەڵکەم هەرئیجورەیشه وه دورەی وەرەڕوی.

ئەفسوسیێل 2:11

جا وه هویردان بود ئیوه که یەێ وەختێگ وه پێ جەسه ناجویلەکه وه حساو هاتیاین و ئەوانه که وه خوێان ئویشن ’خەتەنه کریاێ‘ وه ئیوه ئویشن ’خەتەنه نەکریای‘ هەر چەن خەتەنەێ ئەوانه کارێگ جەسەیه که وه دەس ئایەم ئەنجام گردێه،

ئەفسوسیێل 2:13

وەلێ ئێرنگه وەناو مەسیح عیسا، ئیوه که زەمانێگ دویر بین، وه وەسلەێ خوین مەسیح هاوردیاینەسه نزیک.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئەفسوسیێل 4:17

ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

ئەفسوسیێل 5:8

چوینکه یەێ وەختێ ئیوه تیەریکی بین، وەلێ ئیسه وەناو خوداوەند نویرین. جور ڕوڵەیل نویر زنەیی بکێن.

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

دویم تیموتاوس 4:10

چوینکه دیماس وه بونەێ دوس داشتن ئی جهانه وێڵم کردێه و چیەسه ئەڕا شار تسالونیکی. کریسکیس وەرەو شار غەلاتیه و تیتوسیش چیەسه ئەڕا شار دەلماتیه.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.

یاقوب 1:7

ئیجور کەسێگ نەبایه خەیاڵ بکێ که له خوداوەند چشتێ گرید،

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

یەکم پتروس 4:3

ئەڕا ئیه که جاران وه ئەنازەێ کافی ژیان خوێان له وه جێ هاوردن ئەو چشته که قەومیل بتپەرەس خوەشیانه لێ تێد، خەرج کردینه و ڕوژگار وه هەرزەی و هەواوهەوەس و سەرخوەشی و عەێاشی و بەزمەیل شراوخوەری و بتپەرەسی قیزهاوەر داینەسەێ سەر.

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

یەکم یوحەنا 3:10

ڕوڵەیل خودا و ڕوڵەیل ئبلیس ئیجوره مالوم بون: هەر کەسێگ ئەو چشته که درسه وەجێ نارێ و یا براێ خوەێ دوس نیاشتود، له خودا نیه.

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەکم یوحەنا 5:4

چوینکه هەر کەسێگ له خودا هاتیەسه دنیا وه ئی جهانه زاڵ بود. ئیمانمان ئەو سەرکەفتنەسه که وه جهان زاڵ بویه.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 16:17

فریشتەێ هەفتم پیاڵەگەێ خوەێ ڕشانه هەواێا ‎و له ئەو تەخته که له ناو مابەد بی، دەنگ بەرزێگ دەر هات که: «تەمام بی!»

وەحی وه یوحەنا 20:2

ئەوه، ئەژدەها، ئەو مار جارانه که هەر ئەو ئبلیس و شەیتانەسه، گرد و ئەڕا هەزار ساڵ گیرودەێ کرد و