ئەفسوسیێل 2:16 - کتاب مقدس به زبان کردی جنوبی - گویش کلهوری

¹⁶ تا که هەردگمان وه وەسلەێ سەلیبەگەێ خوەێ که وەبان ئەوه دشمەنی کوشت، وەناو یەێ جەسه وەگەرد خوداوه دوسی بێید.

ئەفسوسیێل 2:16 ပူးပေါင်းရင်းမြစ်များ

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

رومیەگان 8:7

چوینکه دڵبەساین وه چشتیل جەسەێ دشمەنی وەگەرد خوداس، ئەڕا ئیەکه نیەچوده ژێر حوکمرانی شەریعەت خودا، وه ڕاسیش که نیەتویەنێ.

یەکم قورنتییل 10:17

له ئەوره که نان یەکێگە، گشتمان که فرەیم، یە جەسەیم، چوینکه گشتمان له یە نان خویمن.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

ئەفسوسیێل 4:4

چوینکه یەێ جەسه و یەێ روح هەس، ئەوجورەکە ئەڕا یەێ ئمید که هن داوەتەگەدانە دەنگ کریاینه؛

نامه وه کولوسییل 2:14

جا ئەو سەنەد قەردیگ که وەگەرد یاسایلێ وه زد ئیمه نویسریاوی و وه نوای ئیمه وساویه پاوه، پاکەو کرد و له بان سەلیب بزمار کوتی کرد و له بین بردێ.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.