ئەفسوسیێل 2:12 - کتاب مقدس به زبان کردی جنوبی - گویش کلهوری

¹² وه هویردان بود که وه ئەو وەخته له مەسیح جیا و وەناو قەوم ئێسرائیل غەریوه و له پەێمانیل واده بێگانه بین و بی ئمید و بی خودا وه ئی جهانه دیاینی سەر.

ئەفسوسیێل 2:12 ပူးပေါင်းရင်းမြစ်များ

لوقا 1:72

تا ئەو بەزەیێه که وه باپیریلمان واده داوی وه جێ بارێ و پەێمان موقەدەس خوەێ بارێده هویر؛

یوحەنا 10:16

مه پەسیل تریش دێرم که هن ئی گەلەخانه نین. ئەوانیش باێه بارم و ئەوانیش گوش دەنه دەنگم. ئمجا بونه یەێ ریەن و یەێ شوان.

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 4:22

ئەوه که ئیوه سامریەگان پەرەسینێ، نیەناسینێ، ئیمه جویلەکەیل ئەوه که ناسیمنێ، پەرەسیمنێ، چوینکه نجات له ڕێ جویلەکەوه تێ.

کاریل ڕەسولەیل 2:39

چوینکه ئی واده ئەڕا ئیوه و مناڵیلدان و گشت ئەوانەسه که له خودا دویرن، یانێ هەر کەس که خوداوەند خوداێ ئیمه چڕێدێ.»

کاریل ڕەسولەیل 28:20

وه ئی باوەته تواسم بوینمەدان و وەگەرددان قسیه بکەم، چوینکه وەبونەێ ئەو ئمید ئێسرائیلەسه که وەگەرد ئی زنجیره بەسانەسەم.»

کاریل ڕەسولەیل 3:25

ئیوەیش کوڕیل پەێخەمەریل و میراتی خوەر ئەو پەێمانینه که خودا وەگەرد باوگیلدان بەساس، ئەیو وه ئێبراهیم پەێخەمەر فەرمایش کرد: ”له ڕێ نەتەوەێ تنەو گشت هوزەگان بان زەوی بەەرکەتدارەو بون.“

رومیەگان 9:8

یانێ، مناڵیل جەسەێ، مناڵیل خودا نین، بەڵکەم مناڵیل واده، نەتەوەێ ئێبراهیم وه حساو تیەن.

نامه وە غەلاتییل 4:8

وەرجه ئیه، وەختێ خودا نیەناسیاین، خوڵامی چشتیلی کردیاين که وه ڕاسی خودا نین.

ئەفسوسیێل 2:19

جا ئیوه دی بێگانه و غەریو نین، بەڵکەم هاونیشتمان ئیمانداریل وه مەسیح و یەکیگ له ئاڵ ماڵەگەێ خوداین؛

ئەفسوسیێل 4:18

فامێان تیەریکەو بیه و وەبونەێ نەزانی که ها ناوێان که دڵڕەقی بیەسه بایسێ، له زنەیی خودا دویرەو کەفتنه.

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

یەکم تسالونیکییل 4:5

نەبایه هەر جور ناجویلەکەیلێگ که خودا نیەناسن، دەسخوەشەێ هەواوهەوەس شاوەت بوین.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

یەکم نامەێ تیموتاوس 1:1

له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

عبرانییل 11:34

بڵێزەیل گڕان ئاگر کوشاننەوه و له دەم شمشێر دەرچین؛ بی هازییان بیه هێز، وەناو شەڕ تویەنا بین و لەشکەریل بێگانه تەفرتوینا کردن.

عبرانییل 6:18

تا له ڕێ دو چشت نەگوڕیای، که مەحاڵ خودا له باوەت ئەوانه درو بویشێد، ئیمه فره دڵگەرمەو بویمن، ئیمه که ئەڕا پەنا بردن هەێوایمنه تا ئمیدێگ که له وەر دەم ئیمه نریاس، قورس بلچکێیم.

عبرانییل 8:6

وەلێ خزمەتێگ که مەسیح پەێا کردێه، فره بانتر له خزمەت جارانه، ئەڕا ئیه که ئەیو وەسلەێ پەێمانێگ خاستره، پەێمانێگ که وەبان وادەیل خاستر نریاسه سەرپاوه.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.