ئەفسوسیێل 2:10 - کتاب مقدس به زبان کردی جنوبی - گویش کلهوری

¹⁰ چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 2:10 ပူးပေါင်းရင်းမြစ်များ

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

یوحەنا 3:21

وەلێ ئەوه که کار ڕاس درس کەێد وەرەو لاێ نویر تێ تا ئاشکرا دیار بێید که کارەیلێ وه مەێەت خودا کریەید.»

کاریل ڕەسولەیل 9:31

جا کلیسا وه سەرئانسەر ناوچەێل یەهودیه و جەلیل و شار سامره ئارامەو بی، پا گردیا و له ترس خوداوەند وه سەر بردیاد و وه ئارامی روح‌القودوس فرەوه بویان.

کاریل ڕەسولەیل 9:36

وەناو شار یافا شاگردێگ زنەیی کردیا ناوێ تابیتا بی، که وه یونانی بوده دورکاس که وه ماناێ ئاسکه. ئی ژنه هەمویشه خەریک کاریل خاس و مەێەت داین وه کەمدەسیل بی.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

یەکم قورنتییل 3:9

ئیمه تەنیا هاوکاریل خودایمن و ئیوه زەویزار و ماڵێگ هن خوداین.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

دویم قورنتییل 5:5

ئەیو که ئیمه ئەڕا ئی مەبەسته گورجەو کردێه، خوداس که روح خوەێ جور بەیانه داسه پێمان.

دویم قورنتییل 9:8

جا خودا تویەنێ هەر نیمەتیگ ئەڕادان فرەوه بکێ تا وه گشت چشتێگ ئەڕا هەمویشه گشت هەوەجێیلدان بەراورده بکێ و ئەڕا وەجێ هاوردن هەر کار خاسێگ، وه فراوانی بیاشتوین.

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

ئەفسوسیێل 1:1

له پولوس که وه خاست خودا ڕەسول مەسیح عیساس، وه ئیمانداریل وه مەسیح که هانه ناو شار ئەفسوس، وه ئەوانه که وەناو مەسیح عیسا وەفادارن:

ئەفسوسیێل 1:4

هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

ئەفسوسیێل 2:13

وەلێ ئێرنگه وەناو مەسیح عیسا، ئیوه که زەمانێگ دویر بین، وه وەسلەێ خوین مەسیح هاوردیاینەسه نزیک.

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

ئەفسوسیێل 2:6

خودا ئیمه وەناو مەسیح عیسا وەگەرد مەسیح زنیەو کرد و وەناو شونیل ئاسمانی وەگەرد ئەیو دانیشان،

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

ئەفسوسیێل 4:24

ئایەم تازه بکەنه وەردان که وه سالح بوین ڕاسەکانی و قودوسیەت، وێنەێ خودا درس کریاس.

نامەێ فیلیپییل 1:6

وه ئیه دڵنیام ئەیو که کار خاسێگ وەناودان خسته ڕێ، ئەوه تا وه ڕوژ هاتنەوەێ عیسا مەسیح وه کەماڵ رەسنێد.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.

یەکم نامەێ تیموتاوس 2:10

بەڵکەم وه تەرکی کاریل خاس بڕەژیەنەو، ئەو جورەکه شایسەێ ژنیلێگه که ئویشن خودا پەرەسن.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

یەکم نامەێ تیموتاوس 5:25

هەر وه ئیجوره، کاریل خاس ئاشکراس و تەنانەت ئەوانه که ئاشکرا نیه، کەس نیەتویەنی بشاریدێەو.

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

دویم تیموتاوس 2:21

جا هەر کەسێگ خوەێ له چشتیل ناپەسەن پاک بپارێزنێد، دەفرێگه که وه دەرد کاریل خاس خوێد، دەفرێگ پاک و وه ‎دەرد خوەر ئەڕا خاون ماڵ و گورج ئەڕا هەر کار خاسێگ.

دویم تیموتاوس 3:17

تا پیاێ خودا وه کەماڵ ئەڕا هەر کار خاسێگ گورجەو بود.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

تیتوس 2:7

خوەد له گشت چشتێگ نمونەێ کاریل خاس بو. وەناو تالیم خوەد ڕاس درس و سەنگین ڕەنگین به و

تیتوس 3:1

باره هویرێان که له حاکمیل و دەسڵاتداریل گوش بتەکنن و مل بوەنه ژێر فەرمانێان و ئەڕا هەر کار خاسێگ گورجەو بون؛

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

عبرانییل 10:24

باین وەناو فکر ئەوه بویمن که چوی یەکترەکی ئەڕا مابەت و ئەڕا وەجێ هاوردن کاریل خاس هەڵبگڕنیم و

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

یەکم یوحەنا 2:6

هەر کەس که ئویشێ وەناو خودا نیشتەجێه، باێه هەر ئەو جوره زنەیی بکێ که عیسا زنەیی کردیا.