ئەفسوسیێل 1:4 - کتاب مقدس به زبان کردی جنوبی - گویش کلهوری

⁴ هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

ئەفسوسیێل 1:4 ပူးပေါင်းရင်းမြစ်များ

ئنجیل مەتا 24:22

ئەگەر ئەو ڕوژیله کوڵەو نویاتیاد، هویچ بەشەرێگ گیان ساق وه دەر نیەوەردیا. وەلێ وەبونەێ هەڵوژاردەیل ئەو ڕوژیله کوڵەو بود.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

یوحەنا 10:16

مه پەسیل تریش دێرم که هن ئی گەلەخانه نین. ئەوانیش باێه بارم و ئەوانیش گوش دەنه دەنگم. ئمجا بونه یەێ ریەن و یەێ شوان.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

کاریل ڕەسولەیل 13:48

وەختێ ناجویلەکەیل ئیه شنەفتن، دڵشادەو بین و حرمەت پێخام خوداوەند گردن؛ جا ئەوانەێ که ئەڕا زنەیی ئەبەدی دیاری کریاوین، ئیمان هاوردن.

کاریل ڕەسولەیل 15:18

کاریلێگ که له جارانەو مالوم بوی.“

کاریل ڕەسولەیل 18:10

ئەڕا ئیه که مه هامه گەردد و هویچکەس دەس خوەێ دریژەو نیەکێ تا بەڵاێگ وەسەرد بارێ، ئەڕا ئیه که وەناو ئی شاره مەردم فرەێگ هن منن.»

رومیەگان 8:33

کیه که بخت بکێده هەڵوژاردەیل خودا؟ خوداس که ئەوانه سالحان وه حساو تیەرێ!

یەکم قورنتییل 1:8

ئەیو تا وه ئاخر بەردەوام پارێزنێدەدان، تا وەناو ڕوژ خوداوەندمان عیسا مەسیح بیتاوان بوین.

نامه وە غەلاتییل 5:13

ئێ برایل، ئیوه ئەڕا ڕزگاری دەنگ کریاینه، وەلێ ڕزگاری خوەدان مەکەنه دەرفەتێگ ئەڕا ئاوەختیێل جەسه، بەڵکەم وه پێ مابەت، یەکترەکی خزمەت بکێن.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

ئەفسوسیێل 5:27

تا کلیسا وەگەرد ئەو شکویگ که دێرێ بارێده لاێ خوەێ، بی هویچ لەک یا لویچ یا هەر نەخسێگ تر، تا کلیسا موقەدەس و بی نەخس بود.

نامەێ فیلیپییل 2:15

تا بیتاوان و ساده دڵ و مناڵیل بی نەخس خودا بوین، وەناو نەتەوەێ گەنیاێ و له ڕێ دەرچی که وەناو ئەوانه هەر جور هەساریل وەناو ئی جهانه درەوشین،

نامه وه کولوسییل 1:22

وەلێ ئێرنگه مەسیح ئیوه وەناو جەسەێ بەشەری خوەێ وەگەرد مردنێ ئاشتی داس، تا ئیوه موقەدەس و بی نەخس و دویر له هەر سەرزەنشتێگ بارێده ئەڕا لاێ خودا،

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

یەکم تسالونیکییل 3:12

و هەر ئەوجورە که مابەت ئیمه وه ئیوه فرەوه بود، خوداوەند مابەتدان وه یەکترەکی و وه گشت مەردم فرەوه بکێ و فراوانیەو بکێد.

یەکم تسالونیکییل 4:7

چوینکه خودا ئیمه نه وه ناپاکی بەڵکەم وه قودوسیەت دەنگ کردێه.

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

یەکم یوحەنا 4:16

جا ئیمه مابەتێ که خودا وەپێمان دێرێ ناسیمنه و ئیمانه پێ هاوردیمنه. خودا مابەته، ئەوه که وەناو مابەت نیشتەجێ بود، وەناو خودا نیشتەجێه و خودایش وەناو ئەوه نیشتەجێه.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.