ئەفسوسیێل 1:14 - کتاب مقدس به زبان کردی جنوبی - گویش کلهوری

¹⁴ روح‌القودوس بەیانەی میراتی ئیمەس تا وەختێگ وه تەمامی بکێمنه هن خوەمان، تا جەڵاڵ خودا ستایش بود.

ئەفسوسیێل 1:14 ပူးပေါင်းရင်းမြစ်များ

لوقا 21:28

وەختێ ئی کاریله شرو بود، ڕاس بوسن و سەردان بگرنه بان، چوینکه ڕزگاریدان نزیکەو بیه!»

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

رومیەگان 8:23

جا نه تەنیا درسکریایل خودا، بەڵکەم خوەمانیش که نەوبەر روح خودا دێریم، له ناخمانەو ئاخ هەڵکیشیم، هەر ئەو جوره که وه تاسەوه چەوەڕێ زڕکوڕی، یانێ ڕزگاری جەسەیلمانیم.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

دویم قورنتییل 1:22

و مور خوەێ کوتاسه ملمانا که هن خوەێ بویمن و روح خوەێ جور بەیانه وەناو دڵمان جێ داس.

دویم قورنتییل 5:5

ئەیو که ئیمه ئەڕا ئی مەبەسته گورجەو کردێه، خوداس که روح خوەێ جور بەیانه داسه پێمان.

نامه وە غەلاتییل 4:6

جا ئەڕا ئیه که کوڕیلین، خودا روح کوڕەگەێ خوەێ کل کردێه ناو دڵمان که هاوار کێ: «ئەبا! باوگه!»

ئەفسوسیێل 1:11

ئیمه وەناو مەسیح میراتیێگ وه دەس هاوردیمنه، چوینکه وه پێ ئامانجەگەێ که گشت چشتێگ وه پێ نەخشەێ خاست خوەێ وه جێ تیەرێ، له جارانەو دیاری کریاویمن،

ئەفسوسیێل 1:12

تا ئیمه که یەکمین کەسیلێ بیمن که وه مەسیح ئمید بەسایم، بیمنه مایەێ ستایش جەڵاڵ ئەیو.

ئەفسوسیێل 4:30

روح‌القودوس خودا که له ڕێ ئەیو ئەڕا ڕوژ ڕزگاری مور کریاینه، خەمبارەو مەکەن.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.