نامه وه کولوسییل 4:8 - کتاب مقدس به زبان کردی جنوبی - گویش کلهوری

⁸ ئەوه هەر وه ئی ئامانجه کل کردمەسه ئەڕا لادان تا له حاڵ حەواڵ ئیمه ئاگادار بوین و تا دڵدان هان بێی.

نامه وه کولوسییل 4:8 ပူးပေါင်းရင်းမြစ်များ

یەکم قورنتییل 4:17

هەر وه ئی مدوه تیموتاوس کل کردمه ئەڕا لادان، ئەوه که ڕوڵەێ عەزیزم و وەناو خوداوەند وەفاداره. ئەوه ڕێ رەوشت زنەیی مه وەناو عیسا مەسیح وەپێدان نیشان دێ، هەر ئەوجورە که وەناو گشت کلیسایل وه هەر کوره تالیم دەم.

دویم قورنتییل 1:4

که وه ئیمه وەناو گشت بەردیلمان دڵنەوایی دەێ تا بتویەنیمن وەگەرد ئەو دڵنەواییه که لەلێ گردیمنه، ئەوانه که هانه ناو بەرد، دڵنەوایی بێیم.

دویم قورنتییل 12:18

مه له تیتوس تواسم تا باێه ئەڕا لادان و براگەمانیش وەگەردیەو کل کردم. ئێ تیتوس لەلێدان سودجویی کردێه؟ ئێ ئیمەیش هەر وه ئی ڕێ رەوشته زنەیی نەکردیم و هەر ئی کاره نەگردیمنه وەر؟

دویم قورنتییل 2:7

ئێرنگه دی باێه بوەخشینێ و دڵی بێینەو، نەخواێ خەم فره له پا بخیدێ.

ئەفسوسیێل 6:22

مه ئەوه وه ئی ئامانجه کل کردمه ئەڕا لادان تا له حاڵ حەواڵمان ئاگادارەو بوین و دڵیلدان قەوەت بێی.

نامەێ فیلیپییل 2:28

جا ئەڕا کل کردنێ تاسەێ فرەترێگ دێرم تا یەێ جارتر له دینێ دڵشادەو بوین و له پەشێوی منیش کەمەو بود.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

یەکم تسالونیکییل 2:11

ئەڕا ئیه که زانين که چوی، هەر جور ڕێ رەوشت باوگێگ وەگەرد مناڵیلێ،

یەکم تسالونیکییل 3:2

جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

یەکم تسالونیکییل 4:18

جا وەئی قسیەيله، یەکترەکی هان بێەن.

یەکم تسالونیکییل 5:11

جا یەکان هان بێەن و بەنا بکەن، ئەو جوره که ئێرنگەیش ئی کاره کین.

یەکم تسالونیکییل 5:14

ئێ برایل، لاڵکێيمنه‎ پێدانەو که لەمتیەیل ئاموژیاری بکەن؛ کەم جرئەتیل هان بێەن؛ وه بی هازیل مەیەت بێەن؛ وەگەرد گشتێان سەور بیاشتوین.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.