نامه وه کولوسییل 4:10 - کتاب مقدس به زبان کردی جنوبی - گویش کلهوری

¹⁰ ئاریستارخوس که وەگەردمەو ها زندان، هەر ئیجوره مەرقوس، ئاموزاگەێ بەرنابا، سڵامدان رەسنن. وەرجه ئیه له باوەت مەرقوس وەپێدان سفارش کردمه که ئەگەر باێده ئەڕا لادان، وه گەرمی قەبوڵێ بکێن.

نامه وه کولوسییل 4:10 ပူးပေါင်းရင်းမြစ်များ

کاریل ڕەسولەیل 12:12

وەختێ ئیه فامی، چی ئەڕا ماڵ مریەم داڵگ یوحەناێ ماروف وه مەرقوس. وه ئەوره قێر فرەێگ گردەو بوین و دوعا کردیان.

کاریل ڕەسولەیل 12:25

وەشون ئیه که بەرنابا و شائول خزمەتەگەیان تەمام بی، هاتنەو ئەڕا ئورشەلیم و یوحەناێ ماروف وه مەرقوسیش وەگەرد خوێانا هاوردن.

کاریل ڕەسولەیل 13:13

ئمجا پولوس و هاوڕێەگانی له ڕێ دەریا له پافوس چینه ئەڕا شار پرجەێ پامفیلیه. وەلێ وه ئەوره یوحەنا که وەپێ وەتیان مەرقوس لەليان جیاوه بی و هەڵوگەردیا ئەڕا شار ئورشەلیم.

کاریل ڕەسولەیل 13:5

وەختێ ڕەسینه شار سەلامیس، پێخام خودا وەناو کەنیسەیل جویلەکە بانگەوازی کردن. یوحەنا که وەپێ وەتیان مەرقوس، یاریدەرێان بی.

کاریل ڕەسولەیل 19:29

ئاژاوە کەفته ناو گشت شارەگه! مەردم هویژم بردن و گایوس و ئاریستارخوس که له مەردم مەقدونیه و له هاوڕێیل پولوس بین، کڕاننێانه ناو تماشاخانەێ شار.

کاریل ڕەسولەیل 20:4

هاوڕێیلی ئیانه بین: له مەردمیل شار بیریه سوپاتروس کوڕ پیرروس، له مەردمیل شار تسالونیکی ئاریستارخوس و سکوندوس، له مەردمیل شار دربه گایوس، له مەردمیل ناوچەێ ئاسیا تیخیکوس و تروفیموس و تیموتاوس.

کاریل ڕەسولەیل 27:2

جا سوار کەشتیێگ بیمن که له ئەدرامیتینوس هاتیاد و چیاده ئەڕا چەن بەندەر له ناوچەێ ئاسیا و کەفتیمنه ڕێ. ئاریستارخوس مەقدونی وەگەردمانەو بی که له مەردمیل تسالونیکی بی.

کاریل ڕەسولەیل 4:36

یوسفیش که له هوز لاوی له مەردم قپرس بی و ڕەسولەیل وەتیانه پێ بەرنابا که وه ماناێ ’کوڕ هاندەر‘ بی،

رومیەگان 16:2

تا وەناو خوداوەند، وه لەونی که شایسەێ ئیمانداریل وه مەسیحه، قەبوڵێ بکێن و له هەر چشتێگ که هەوەجی کەفێ پێدان مەیەتی بێین، چوینکه وه فره کەسیل، تەنانەت خود منیش مەیەت فرەێگ داس.

رومیەگان 16:7

وه خزمیلم، ئاندرونیکوس و یونیاس که وەگەردما وەناو زندان بین سڵام برەسنن. ڕەسولەیل، ئەوانه فره خاس ناسن و ئەوانه وەرجه من مەسیحی بینه.

دویم تیموتاوس 4:11

تەنیا لوقا ها گە‎رد منەو. مەرقوس هەڵگر وەگەرد خوەد بارێ، چوینکه ئەڕا خزمەتەگەم فایده دێرێد.

نامه وه فیلیمون 1:23

ئپافراس، هاو زندان من وەناو مەسیح عیسا، سڵامد رەسنێد.

نامه وه فیلیمون 1:24

هەر ئیجوره هاوکارەگانم، مەرقوس، ئاریستارخوس، دیماس و لوقا سڵامد رەسنن.

یەکم پتروس 5:13

خویشکێ که ها شار بابڵ که هەر جور ئیوه هەڵوژاریایه، هەرئیجوره کوڕەگەم، مەرقوس، سڵامدان رەسنن.