نامه وه کولوسییل 3:16 - کتاب مقدس به زبان کردی جنوبی - گویش کلهوری

¹⁶ با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

نامه وه کولوسییل 3:16 ပူးပေါင်းရင်းမြစ်များ

ئنجیل مەتا 26:30

ئمجا وەشون ئیه که بەیتیگ خوەنین، کەفتنه ڕێ وەرەو کویەێ زیتون.

لوقا 2:51

ئمجا وەگەردێان کەفته ڕێ و چینه ئەڕا ناسره و قسیەیان گرده گوش. وەلێ داڵگێ گشت ئی چشتیله وه دڵ خوێەو هیشتیاد.

یوحەنا 15:7

ئەگەر وەناو مه نیشتەجێ بوین و کەڵامم وەناو ئیوه نیشتەجێ بود، هەر چی تواین، داوا بکێن که درێیده پێدان.

رومیەگان 10:17

جا ئیمان له شنەفتن تێد و شنەفتن، له ڕێ کەڵام مەسیحه.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

یەکم قورنتییل 14:15

جا چه باێه بکەم؟ وه روح دوعا کەم و وه عەقڵیش دوعا کەم؛ وه روح بەیت خوەنم جا وه عەقڵیش خوەنم.

یەکم قورنتییل 14:26

جا ئێ برایل مەبەست چەس؟ وەختێ که وه دەور یەکەو گردە‎و بوین، هەر کەس بەیتێگ، تالیمێگ، وەحیێگ، قسیه کردن وه زوانێگتر یا هەڵوگەرداننێ دێرێ. ئیانه گشتێ باێه ئەڕا بنیاد ناین کلیسا وه کار بچود.

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

ئەفسوسیێل 5:17

جا گیلگەوج نەون، بەڵکەم بزانن که خاست خوداوەند چەس.

ئەفسوسیێل 5:19

وەگەرد وه کار بردن زەبور و سرودیل و بەیتیلیگ که روحانیه وەگەرد یەکترەکی قسیه بکەن، له ناخ دڵەو ئەڕا خوداوەند بخوەنن و گورانی درس بکەن.

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

نامه وه کولوسییل 1:9

وه ئی بونه، له ڕوژیگ که ئیه شنەفتیم، له دوعا کردن ئەڕادان نەوسایمەسەو، بەڵکەم له خودا توایم که ئیوه له ناسین خاست ئەیو وەناو هەر زانیاری و فام روحانی، پڕەو بوین

نامه وه کولوسییل 4:6

قسیەيل ئیوه هەمویشه پڕ له فیز بود و نمەکین، تا بزانین وه هەر کەسێگ چوی باێه جواو بێین.

یەکم تسالونیکییل 1:8

چوینکه کەڵام خوداوەند له لاێ ئیوه نه تەنیا له مەقدونیه و ئەخائیه دەنگ داسەو، بەڵکەم ئیمان ئیوه وه خودا له گشت کوره کەفتیەسه سەر زوانیل، ئەوجورە که دیتر هەوەجی نێری ئیمه چشتێگ بویشیم.

یەکم تسالونیکییل 4:18

جا وەئی قسیەيله، یەکترەکی هان بێەن.

دویم تسالونیکییل 3:15

ئەوه دشمەن وه حساو نارن، بەڵکەم هەر جور براێگ هەڕەشه بکەنه لێ.

یەکم نامەێ تیموتاوس 6:17

وه دەوڵەمەنیل ئی دنیا حوکم بکه که قتقوز نەون وه ماڵ ئی دنیا که بەردەوام نیه پشت نەوەسن. بەڵکەم وه مل خوداێگ پشت بوەسن که گشت چشتێگ وه فراوانی ئەڕا ئیمه گورجەو کەێد تا له ئەوانه لەزەت بویم.

دویم تیموتاوس 3:15

چوی له مناڵی کتاویل موقەدەس زانستیدە که تویەنێد زانیاری یاێ بێیده پێد ئەڕا نجاتیگ که له ڕێ ئیمان وه مەسیح عیساس.

تیتوس 3:6

هەر ئەو روح‌القودوسه که خودا ئەیو له ڕێ نجات دەرمان عیسا مەسیح فره فره وه ملمانا ڕشان،

یاقوب 1:5

ئەگەر کەسێگدان هەوەجی وه زانیاری دێرێ، له خودا داوا بکێ و وەپێ بەخشرێید، هەر له ئەو خوداێگه که وه گشتیەکی وه دەس دڵوازای و بی سەرزەنشت بەخشێد.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یاقوب 5:13

وەناودان کەسێگ هەس که زەجر کیشێ؟ ئەوه دوعا بکێد؛ کەسێگ هەس که خوەشاڵ بود؟ گورانی ستایش بچڕێد.

یەکم یوحەنا 2:14

ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه هێزدارین و کەڵام خودا وه ناودان نیشتەجێه و وه ئەو شەڕئاشوه زاڵەو بینه.

یەکم یوحەنا 2:24

بیلێن ئەو چشته که له سەرەتاوه شنەفتین وەناودان نیشتەجێ بود. ئەگەر ئەو چشته که له سەرەتاوه شنەفتین وەناودان نیشتەجێ بود، ئمجا ئیوەیش وەناو کوڕ و وەناو باوگ نیشتەجێ بوین.

یەکم یوحەنا 2:27

وەلێ له باوەت ئیوه، ئەو مەسح و دەسنیشانه که له ئەیو گردین، وەناودان نیشتەجێه. هەوەجیدان وه کەس نیه تا تالیمدان بێی، بەڵکەم مەسحەگەێ، له باوەت گشت چشتێگ تالیمدان دەێ. ئەو مەسحه، ڕاسەکانیه و دروەکانی نیه. جا هەر ئەوجورە که تالیمدان داس، وەناوێ نیشتەجێ بوین.

دویم یوحەنا 1:2

وەبونەێ ئەو ڕاسیه که وەناومان نیشتەجێ بیه و تا ئەبەد وەگەردمانەو مینێد.

وەحی وه یوحەنا 14:3

جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.

وەحی وه یوحەنا 15:3

ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛