نامه وه کولوسییل 3:11 - کتاب مقدس به زبان کردی جنوبی - گویش کلهوری

¹¹ وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

نامه وه کولوسییل 3:11 ပူးပေါင်းရင်းမြစ်များ

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

کاریل ڕەسولەیل 15:17

تا ئەو باقی بەشەر مینێ خوداوەند بکەن، گشت ناجویلەکەیلێگ که ناو من ها ملێانەو. ئیه فەرمایش خوداوەنده، ئەیو که ئی کاریله کەێد،

کاریل ڕەسولەیل 28:2

نیشتەجێیل ئەو جەزیره خاسی فرەێگ وەگەردمانەو کردن. ئاگرێگ ئەڕامان کردنەو، چوینکه واران وارێا و هوا سەرد بی، ئەوانه وه گەرمی هاتنه پیریمانەو.

کاریل ڕەسولەیل 28:4

وەختێ مەردم مارەگه دین که وه قێ دەسێ شوڕەو بیه، وه یەکترەکی وەتن: «بێ گومان ئیه پیاێ خوینکەرێگه که هەر چەن له دەریا نجات پەێا کرد، وەلێ دادپەروەری نێیلی زنی بمینێ.»

رومیەگان 1:14

مه خوەم هەم وه یونانیەگان و هەم وه بەربەریل، هەم ئایەمیل زانا و هەم ئایەمیل نەزان قەرددار زانم.

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

رومیەگان 3:22

ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

رومیەگان 3:29

ئێ خودا تەنیا خوداێ جویلەکەیله؟ ئێ خوداێ ناجویلەکەیلیش نیه؟ هەڵبەت که ئەیو خوداێ ناجویلەکەیلیش هەس.

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

یەکم قورنتییل 14:11

جا ئەگەر نەتویەنم ماناێ زوان یەکیگتر بفامم، ئەڕا ئەوه بێگانەم و ئەویش ئەڕا مه.

یەکم قورنتییل 7:19

ئەڕا ئیه که خەتەنه کردن یا نەکردنی گرنگ نیه، بەڵکەم وه جێ هاوردن حوکمیل خودا گرنگه.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

ئەفسوسیێل 1:23

کلیساێگ که جەسەێ ئەیوه، یانێ پڕی ئەیو که گشت چشتێگ له هەر لاێگەو پڕەو کەی.

ئەفسوسیێل 2:14

چوینکه مەسیح خوەێ ئاشتی و سڵامەتی ئیمەس، که هەردگمان یانێ جویلەکە و ناجویلەکه کردێەسه یەکی و وەناو جەسەێ خوەێ دیوار جیایی که بایس دشمەنی بویاد، ڕمانیه،

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

ئەفسوسیێل 6:8

چوینکه زانين خوداوەند وه هەر کەسێگ دەسخوەشانەێ گشت کاریل خاسێ دێ، تواێ خوڵام بود، تواێ ڕزگار.

نامه وه کولوسییل 2:10

جا ئیوه وەناو مەسیح، که سەر گشت سەروکیل و دەسڵاتیله، کامڵەو بوینه.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

دویم یوحەنا 1:9

هەر کەسێگ له تالیم مەسیح پا بنێه ئەولاتر و وەناوێ نیشتەجێ نود، خودا نێری. ئەوه که وەناو ئەو تالیمه نیشتەجێه، هەم باوگ دێرێ و هەم کوڕ.