نامه وه کولوسییل 2:7 - کتاب مقدس به زبان کردی جنوبی - گویش کلهوری

⁷ وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

نامه وه کولوسییل 2:7 ပူးပေါင်းရင်းမြစ်များ

لوقا 6:48

ئەوه مینێده کەسێ که تواێ ماڵی بسازێ، زەویێگ هەڵکەنید و قویلێ کەی و بنەواێ ماڵەگه وەبان کوچگ درسی کەی. تا وەختێ سەیل باێد و لافاو باێده مل ئەو ماڵه، نەتویەنێ تەکانی بێید، چوینکه قایم درس کریاس.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

یەکم قورنتییل 1:8

ئەیو تا وه ئاخر بەردەوام پارێزنێدەدان، تا وەناو ڕوژ خوداوەندمان عیسا مەسیح بیتاوان بوین.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

دویم قورنتییل 1:21

جا ئیه خوداس که ئیمه وەگەرد ئیوه وه یەکەو بوین وەناو مەسیح بەردەوام کێ. ئەیو مەسح و دەسنیشانمان کردێه

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

ئەفسوسیێل 5:20

هەمویشه و ئەڕا گشت چشتێگ وه ناو خوداوەندمان عیسا مەسیح، سپاس خوداێ باوگ بکەن.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 3:17

جا هەر چی کین، چ وه وتار و چ وه کردەوه، گشت چشتێ وه ناو خوداوەند عیسا وەجێ بارن و له ڕێ ئەیو خوداێ باوگ شوکر بکێن.

یەکم تسالونیکییل 5:18

له هەر وەز و حاڵێگ سپاس خودا بکەن، چوینکه ئیه ئەڕا ئیوه خاست خوداس وەناو مەسیح عیسا.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.

عبرانییل 13:15

جا باین له ڕێ عیسا یەێ‌سەر قوروانی سپاس پیشکەش خودا بکێم. ئی قوروانیه، هەر ئەو بەر دەم و لیویلێگه که ناو ئەیو وه زوان تیەرن.

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

یەهودا 1:12

ئیانه وەناو مێوانییل پڕ مابەتدان هەر ئەوجورە که رخێان نیەچود و وەگەرددانەو خوەن و نوشن، جور تاش کەمەریلێگن که هانه ژێر ئاو که وه چەو نوینریەن؛ شوانیلێگن که تەنیا خوێان پەروار کەن؛ هەوریل بی وارانێگن که وا ڕانیەسێان و داریل بی بەر ئاخر پاێیزن که دو جار مردنه و له ریشه دەر هاتنه.

یەهودا 1:20

وەلێ ئیوه ئێ عەزیزەیل، خوەدان وەناو ئیمان فره موقەدەسدان بنینه سەر پاوه و وەناو روح‌القودوس دوعا بکێن،

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،