نامه وه کولوسییل 2:12 - کتاب مقدس به زبان کردی جنوبی - گویش کلهوری

¹² وەناو خوسڵ تەعمید، وەگەرد مەسیح نریاینەسه قەور و وەگەردیەو زنییشەو بینه، له ڕێ ئیمان وه کار هێزدار خوداێگ که مەسیح له مردگیل زنیەو کرد.

نامه وه کولوسییل 2:12 ပူးပေါင်းရင်းမြစ်များ

لوقا 17:5

ڕەسولەیل وه عیسا خوداوەند وەتن: «ئیمان ئیمه فرەوه بکه!»

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

کاریل ڕەسولەیل 2:24

وەلێ خودا ئەیو زنیەو کرد و له ژان مەرگ ڕزگارێ کرد، وەبونەێ ئیه که مەحاڵ بی وەناو چنگ مەرگ بمینێ.

کاریل ڕەسولەیل 2:32

خودا هەر ئی عیسا زنیەو کرد و ئیمەیش گشتمان شاێەت وه ئەویمنه.

رومیەگان 4:24

بەڵکەم ئەڕا ئیمەیش نویسریا. ئەڕا ئیمەیش وه حساو تێد، ئیمەیلێگ که ئیمان دێریم وه ئەیو که خوداوەندمان عیسا له مردگیل زنیەو کرد.

رومیەگان 7:4

هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

یەکم قورنتییل 15:20

وەلێ مەسیح وه ڕاسی له مردگیل زنیەو بیه و نەوبەر کەسیلێگه که له ناو مردگیل زنیەو کریاس.

نامه وە غەلاتییل 3:27

ئەڕا ئیه که گشتدان که وەناو مەسیح خوسڵ تەعمید گردین، مەسیحیش کردینەسه وەردان.

ئەفسوسیێل 2:8

چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 3:7

مه وه پێ خەڵاتی فیز خودا بیمەسه خزمەتکار ئی ئینجیله که وه وەسلەێ هێز ئەیو که ها ناو کار، بەخشریاسە پێم.

ئەفسوسیێل 4:5

یەێ خوداوەند، یەێ ئیمان، یەێ خوسڵ تەعمید؛

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

نامەێ فیلیپییل 1:29

چوینکه ئی شانازیه نسیو ئیوه بیه که نه تەنیا وه مەسیح ئیمان بارین، بەڵکەم وەبونەێ ئەیو رەنجیش بکیشین.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

نامه وه کولوسییل 2:13

ئیوه که وەناو خەتایلدان و خەتەنه نوین جەسەدان مردوین، خودا ئیوه وەگەرد مەسیح زنیەو کرد. ئەیو گشت خەتایلمان بەخشا.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 6:2

و تالیم له باوەت خوسڵیل تەعمید و دەس وه بان کەسێگ ناین و زنیەو بوین له مردگیل و موجازات ئەبەدی.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،