نامه وه کولوسییل 1:6 - کتاب مقدس به زبان کردی جنوبی - گویش کلهوری

⁶ هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

نامه وه کولوسییل 1:6 ပူးပေါင်းရင်းမြစ်များ

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

مەرقوس 16:15

جا وەپێان وەت: «وه سەرئانسەر دنیا بچن و ئینجیل ئەڕا گشت دنیا بانگەوازی بکەن.

مەرقوس 4:8

وەلێ باقی تویەمەگان کەفتنه ناو زەوی خاسێگ و جویق دان، گەورا بین و بەر هاوردن، فرەوه بین، بڕێگ سی، بڕێگ شەس بڕێگیش تەنانەت سەد بەرابەر.»

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 17:19

وەبونەێ ئەوانه خوەم تەقدیس کەم، تا ئەوانیش وەناو ڕاسی تەقدیس بون.

یوحەنا 4:23

وەلێ زەمانێگ رەسێ، هەڵبەت ئێرنگەیش ڕەسیه، که خوداپەرەسیل ڕاسەکانی، وه روح و ڕاسی باوگ ئاسمانی پەرەسش کەن، چوینکه باوگ ها شون ئیجور کەسیلێ تا پەرەسشێ بکەن.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 12:24

وەلێ پێخام خودا فرەتر چیاده نوا و پەخشەو بویاد.

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

رومیەگان 1:13

ئێ برایل، نیەتوام بی خەوەر بوین که چەن جار تواسمه بامه ئەڕا لادان، وەلێ هەر جار ڕێه لێم بەسریا. توام که وەناو ئیوەیش خەلەێگ درەو بکەم، هەر ئەوجورە که وەناو ئەو باقی ناجویلەکەیل ئی کاره کردمه.

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

رومیەگان 15:28

جا وەختێ ئی کاره کردم و ئەو چشته که گردەو بیه دامەێ پێان، له ڕێ ئیوه چمه ئەڕا ئێسپانیا.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

دویم قورنتییل 10:14

ئەڕا ئیه که ئیمه له ئەنازەێ خوەمان فرەتر نەچیمنەسه نوا، چماێ هەراێهەر خزمەتدان نەکردیمنه. چوینکه یەکمین کەسیلێ بیمن که ئینجیل مەسیح رەسانیمنه پێدان.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

ئەفسوسیێل 3:2

گومان کەم ئیوه له باوەت کاروەدەسێ فیز خودا که ئەڕادان بەخشریاسە مه، شنەفتینه،

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

ئەفسوسیێل 4:23

باێه وەناو روح فکریلدان تازەوه بوین و

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

دویم تسالونیکییل 2:13

وەلێ ئێ برایل که عەزیز خوداوەندین، ئیمه باێه هەمویشه وەخاتر ئیوه سپاس خودا بکێم، چوینکه خودا ئیوه جور نەوبەر هەڵوژارد تا وه وەسلەێ کار تەقدیسکە‎‏ر روح خودا و ئیمان وه ڕاسی، نجات پەێا بکێن.

یەکم پتروس 5:12

وه وەسلەێ سیلاس که ئەوه هەر جور براێ ئەمینێگ زانم، ئی چەن خەته کوڵ و کوڵبڕ ئەڕا ئیوه نویسامه تا هاندان بێەم و شاێەتی بێەم که هەر ئیەسه فیز ڕاسەکانی خودا. وەناو ئی فیزه قورس بوسن.