نامه وه کولوسییل 1:10 - کتاب مقدس به زبان کردی جنوبی - گویش کلهوری

¹⁰ تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وه کولوسییل 1:10 ပူးပေါင်းရင်းမြစ်များ

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

رومیەگان 1:13

ئێ برایل، نیەتوام بی خەوەر بوین که چەن جار تواسمه بامه ئەڕا لادان، وەلێ هەر جار ڕێه لێم بەسریا. توام که وەناو ئیوەیش خەلەێگ درەو بکەم، هەر ئەوجورە که وەناو ئەو باقی ناجویلەکەیل ئی کاره کردمه.

رومیەگان 4:12

تا ئێبراهیم بکێده باوگ خەتەنه کریایەگان، یانێ باوگ ئەوانەێ که نه تەنیا خەتەنه بینه، بەڵکەم وەناو ڕێ ئیمانیش گام هەڵگرن، هەر ئەو ڕێه که ئێبراهیم باوگمان وەرجه ئەوه که خەتەنه بود، وەناو ئەو ڕێه گام هەڵگردیاد.

رومیەگان 6:4

جا وەگەرد تەعمید گردن وەناو مەرگ، وەگەردیەو نریایمنه مەقبەره تا هەر ئەوجورە که مەسیح وه وەسلەێ جەڵاڵ باوگ ئاسمانی، له مردگیل زنیەو بی، ئیمەیش وەناو ژیان نوێگ گام هەڵبگریم.

دویم قورنتییل 2:14

وەلێ سپاس ئەڕا خودا که هەمویشه ئیمه وەناو مەسیح، وەناو ڕز سەرکەفتێیل خوەێ بید و هەویرات خوەش ماریفەت له ڕێ ئیمه وه گشت‎کوره پەخشەو کێ.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

دویم قورنتییل 5:9

جا چ وەناو ئی ماڵه بویمن و چ له دەیشت ئی ماڵه، ئامانجمان خوەشنود کردن ئەیوه.

دویم قورنتییل 9:8

جا خودا تویەنێ هەر نیمەتیگ ئەڕادان فرەوه بکێ تا وه گشت چشتێگ ئەڕا هەمویشه گشت هەوەجێیلدان بەراورده بکێ و ئەڕا وەجێ هاوردن هەر کار خاسێگ، وه فراوانی بیاشتوین.

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

ئەفسوسیێل 4:13

تا وەختێ که گشتمان وه یەکەو بوین ئیمان دەس پەێا بکێمن و هەر ئیجوره وه یەکەو بوین ناسین کوڕ خودا، تا چەنه ئایەمێگ کامڵ گەورا بویمن، تا چەنه پڕی باڵای مەسیح گەورا بویمن.

ئەفسوسیێل 5:10

تەقالا بکەن تا ئەو چشته که خوداوەند خوەشنودەو کەی، بزانین.

ئەفسوسیێل 5:15

جا، فره هوشدان بود که چوی زنەیی کین، نه جور نەزانیل بەڵکەم جور زانایل.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 4:18

من گشت ئەو پویله تاویل گردمه و تەنانەت فرەتر له هەوەجی خوەم دێرم. ئیسه که خەڵاتیلی که ئیوه هناردین له ئەپافرودیتوس تاویل گردمه، له گشت چشتێگ فره فره دێرم. خەڵاتیەگەدان هویرات خوەشبو و قوروانی قەبوڵ کریاێگه که خودا خوەشنود کەێد.

نامه وه کولوسییل 2:19

ئەوه پێوەنەگەێ وەگەرد سەر له دەس داس؛ سەری که گشت جەسه له ئەوه خواردەمەنی گری و درێیده قێ یەکەو، له ڕێ مەفسەلیل و بەنەیلی. وه ئیجوره جەسه وەگەرد گەورا بوینی که له خودا سەرچاوه گری، گەورا بود.

نامه وه کولوسییل 2:6

جا هەر ئەوجورە که خوداوەند مەسیح عیسا قەبوڵ کردین، با وەناو ئەیو گام هەڵبگریم:

نامه وه کولوسییل 3:20

ئێ مناڵیل، وەناو هەر چشتێ گوش له داڵگ و باوگ خوەدان بتەکنین، چوینکه ئیه خوداوەند خوەشنودەو کەید.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

یەکم تسالونیکییل 2:12

ئیمەیش هەر کام له لێدان هان دایمن و دڵنەوایی کردیمن و سپاردیمنه پێدان تا ڕێ رەوشتدان ئەوجورە بود که شایسەێ خوداس، خوداێگ که ئیوه وه پادشایی و جەڵاڵ خوەێ دەنگ کەێد.

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

دویم تیموتاوس 2:4

هویچکەسێگ له وەخت سەربازی، خوەێ تویش گیرگرفت زنەیی نیەکێد، ئەڕا ئیه که تواید خوەشنودی فەرماندەگەێ خوەێ وه دەس بارێد.

تیتوس 3:1

باره هویرێان که له حاکمیل و دەسڵاتداریل گوش بتەکنن و مل بوەنه ژێر فەرمانێان و ئەڕا هەر کار خاسێگ گورجەو بون؛

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

عبرانییل 11:5

وه ئیمان بی که خەنوخ بڕیاده بان تا تام مەرگ نەکێ و ئەوه پەێا نوی، چوینکه خودا بردویەێ. ئێرنگه وەرجه بردنێ، له باوەتێەو شاێەتی دریاد که خودا خوەشنودەو کردوی.

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

دویم پتروس 1:8

چوینکه ئەگەر ئی چشتیله وه ناودان بود و فرەوه بود، نێیلید وه ناو ناسین خوداوەند ئیمه عیسا مەسیح، بێ فایده یا بی بەر بوین.

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

یەکم یوحەنا 3:22

و هەر چی له لێ داوا بکێم وه دەس تیەرێم، چوینکه حوکمیلێ وه جێ تیەرێمن و ئەو کاره کەیمن که بوده بایس خوەشنودی ئەیو.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

سێیەم یوحەنا 1:6

ئەوانه وه نوای کلیسا وه مابەت تو شاێەتی دانه. کار خاسێ کێ ئەگەر ئەوانه جوری که شایسەێ خوداس، کلێان بکێ ئەڕا گەردیانێان.