کاریل ڕەسولەیل 4:34 - کتاب مقدس به زبان کردی جنوبی - گویش کلهوری

³⁴ هویچ کەسێگ وەناوێان موختاج نوی، چوینکه هەر کەس زەوی یا ماڵێگ داشت، فروتیادێ و پویلەگەێ

کاریل ڕەسولەیل 4:34 ပူးပေါင်းရင်းမြစ်များ

ئنجیل مەتا 19:21

عیسا فەرمایش کرد: «ئەگەر تواێ کامڵ بویدن، بچو هەر چی ديری بفروش و پویلەگەێ بیه کەمدەسیل که وەناو ئاسمان گەنج وه دەس تیەرێ. ئمجا بەو بکەفه شونم.»

مەرقوس 10:21

عیسا وه مابەتەو نوڕیه پێ و وەت: «یەێ چشتد کەمه؛ بچو هەر چی ديری بفروش و پویلەگەێ بیه کەمدەسیل که وەناو ئاسمان گەنج وه دەس تیەرێ. ئمجا بەو بکەفه شونم.»

لوقا 12:33

هەر چی دێرین بفروشن و بێەنه دەستەنگیل؛ ئەڕا خوەدان کیسەیلێگ گورجەو بکەن که نیەپویترکێید و گەنجێ که بنێ نیەتێید وەناو ئاسمان گردەو بکەن، شونێگ که نه دز تێد وه نه بید دەێەڵێ.

لوقا 16:9

وەپێدان ئویشم ماڵ دارایی ئی دنیاێ گەنیاێه ئەڕا پەێا کردن ڕەفیقەیل خەرج بکەن تا وەختێ ماڵ داراییەگه چشتێ وەلێ نەمەن، وەناو ماڵیل ئەبەدی نیشتەجێدان بکەن.

لوقا 22:35

ئمجا عیسا له لێان پرسی: «ئەو وەخته که ئیوه بێ کیسەێ پویل و کوڵەبار و کەوش کلدان کردم، هەوەجیدان وه چشتێ کەفت؟» جواو دان: «نه، وه هویچ چشتێگ.»

کاریل ڕەسولەیل 2:45

ماڵ و موڵک خوێان فروتیان و پویلەگەێ وه پێ هەوەجی هەر کەس دابەش کردیان.

کاریل ڕەسولەیل 4:37

زەویزارێگ که داشت، فروتەێ و پویلەگەێ هاورد و نادێ نوای پاێ ڕەسولەیل.

دویم قورنتییل 8:14

تا وه ئی زەمانه دەوڵەمەنی ئیوه، کەم کوتی ئەوانه پەرچەو بکێ و ڕوژێگیش دەوڵەمەنی ئەوانه کەم کوتی ئیوه پەرچەو کەێد. ویجوره ئنساف بەردەوام مینێد،

یەکم تسالونیکییل 4:12

تا وه نوای مەردم دەیشت کلیسا ڕێ رەوشتدان وه درسی بود و هەوەجیدان وه کەسێگیش نەکەفێ.

یەکم نامەێ تیموتاوس 6:19

و ئیجوره، گە‎نجیگ ئەڕا خوێان خەنه پشت دەس که بوده بنەواێ قورس ژیان وەرەڕوییان و لچکینه ئەو ژیانه که ژیان ڕاسەکانیه.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.