کاریل ڕەسولەیل 27:2 - کتاب مقدس به زبان کردی جنوبی - گویش کلهوری

² جا سوار کەشتیێگ بیمن که له ئەدرامیتینوس هاتیاد و چیاده ئەڕا چەن بەندەر له ناوچەێ ئاسیا و کەفتیمنه ڕێ. ئاریستارخوس مەقدونی وەگەردمانەو بی که له مەردمیل تسالونیکی بی.

کاریل ڕەسولەیل 27:2 ပူးပေါင်းရင်းမြစ်များ

لوقا 8:22

ڕوژی عیسا وه شاگردەگانێ وەت: «بچیمنه ئەڕا ئەو لاێ دەریاچەگه.» جا سوار قایق بین و کەفتنه ڕێ.

کاریل ڕەسولەیل 16:17

ئەوه کەفتیاده شون ئیمه و پولوس و هاوار کردیاد: «ئی پیاێله، خزمەتکاریل خوداێ هەربەرزن و ڕێ نجات وەپێدان جار دەن.»

کاریل ڕەسولەیل 17:1

پولوس و سیلاس له شاریل ئامفیپولیس و ئاپولونیا گوزیشتن و هاتنه ئەڕا شار تسالونیکی که کەنیسەی جویلەکەیل وه ئەوره بی.

کاریل ڕەسولەیل 19:19

قێر فرەێگ له لێان که وەرجەوە جادوکەری کردیان، کتاویلێان گردەو کردن و وه نوای چەو گشتیەکی سزاننێان. وەختێ نرخ کتاوەگان حساو کردن، پەنجا هەزار سکەێ نقره بی.

کاریل ڕەسولەیل 19:29

ئاژاوە کەفته ناو گشت شارەگه! مەردم هویژم بردن و گایوس و ئاریستارخوس که له مەردم مەقدونیه و له هاوڕێیل پولوس بین، کڕاننێانه ناو تماشاخانەێ شار.

کاریل ڕەسولەیل 2:9

مەردمیل پارت و ماد و عیلامی، نیشتەجێیل بین النهرین و یەهودیه و کاپادوکیه و پونتوس و مەنتەقەی ئاسیایی ئمپراتوری روم و

کاریل ڕەسولەیل 21:5

وەختێ ماوەێ مەننمان وه ئەوره تەمام بی، کەفتیمنه ڕێ. شاگردیل گشتێان وەگەرد ژن و مناڵیلیان تا دەیشت شار وەگەردمان هاتن. وه لیوەێ دەریا زرانی دایمن و دوعا کردیم.

کاریل ڕەسولەیل 28:10

ئەوانه فره حرمەتمان گردن، وەختێ تواسیم بکەفیمنه ڕێ، هەر چی هەوەجیمان بی ئەڕامان هاوردن.

کاریل ڕەسولەیل 28:12

وەختێ ڕەسیمنه شار سیراکوز، لەنگەر خستیم و سێ ڕوژ وه ئەوره مەنیمن.

کاریل ڕەسولەیل 28:16

وەختێ ڕەسیمنه شار روم، هیشتن پولوس وەگەرد سەربازی که پاسەوانیه لێ کردیا وه ماڵ خوەێ بمینێ.

کاریل ڕەسولەیل 28:2

نیشتەجێیل ئەو جەزیره خاسی فرەێگ وەگەردمانەو کردن. ئاگرێگ ئەڕامان کردنەو، چوینکه واران وارێا و هوا سەرد بی، ئەوانه وه گەرمی هاتنه پیریمانەو.

نامه وه کولوسییل 4:10

ئاریستارخوس که وەگەردمەو ها زندان، هەر ئیجوره مەرقوس، ئاموزاگەێ بەرنابا، سڵامدان رەسنن. وەرجه ئیه له باوەت مەرقوس وەپێدان سفارش کردمه که ئەگەر باێده ئەڕا لادان، وه گەرمی قەبوڵێ بکێن.

نامه وه فیلیمون 1:24

هەر ئیجوره هاوکارەگانم، مەرقوس، ئاریستارخوس، دیماس و لوقا سڵامد رەسنن.