کاریل ڕەسولەیل 2:4 - کتاب مقدس به زبان کردی جنوبی - گویش کلهوری

⁴ ئمجا گشتێان له روح‌القودوس پڕ بین، جوری که روح خودا دەسڵات دا پێان وه زوانیل تر قسیه کردن.

کاریل ڕەسولەیل 2:4 ပူးပေါင်းရင်းမြစ်များ

ئنجیل مەتا 10:19

وەختێ دەنەدانه دەسەو، نگران نوین چوی قسیه بکێن یا چه بویشین. چوینکه وه ئەو ساته ئەو چشته که باێه بویشین وەپێدان درێید.

مەرقوس 16:17

ئەوانه که ئیمان تیەرن، ئی نیشانەیله ها گەردیان: وه ناو من دێویل کەنه دەیشت و وه زوانیل تازه قسیه کەن،

لوقا 1:15

چوینکه له وەر چەو خوداوه، بوده پیاێ گەوراێگ. یەحیا نەبایه هەراێهەر دەم بیده شراو یا چشتیل مەسکەر تر. تەنانەت وه زگ داڵگ، پڕ له روح‌القودوس بود و

لوقا 1:41

وەختێ ئلیزابت سڵام مریەم شنەفت، مناڵەگەێ وەناو زگێ جویلیاد و ئلیزابت له روح‌القودوس پڕ بی،

لوقا 1:67

جا ئەو وەخته باوگێ، زەکەریا، له روح‌القودوس پڕ بی و ئیجوره پێشگویی کرد:

لوقا 12:12

چوینکه روح‌القودوس هەر ئەو وەخته یاێدان دەێ چه باێه بویشین.»

لوقا 21:15

چوینکه کەڵام و زانیاریگ دەمه پێدان که هویچ کام له دشمەنیلدان تویەناێ ئیه نێرن که وەگەردێ موخالفەت بکەن و ڕوی وه ڕویی بوسن.

لوقا 4:1

عیسا پڕ له روح‌القودوس له چەم ئوردون هاتەو و له ڕێنمایی روح خودا چیه ناو بیاوان.

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

یوحەنا 20:22

وەختێ ئیه وەت، پف کرده لێان و وەته پێان: «روح‌القودوس بگرنەوەر.

کاریل ڕەسولەیل 1:5

ئەڕا ئیه که یەحیا وەگەرد ئاو خوسڵ تەعمید دیاد، وەلێ وەشون چەن ڕوژ ئیوه وەگەرد روح‌القودوس تەعمید گرین.»

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

کاریل ڕەسولەیل 10:46

چوینکه شنەفتیان که ئەوانه وه زوانیل تر قسیه کەن و ستایش خودا کەن. ئمجا پتروس وەت:

کاریل ڕەسولەیل 10:47

«ئیسه که ئیانه روح‌القودوس هەر جور ئیمه گردنەسەوەر، ئێ کەسێگ تویەنێ ئەڕا تەعمید ئاو نوایان بگرێ؟»

کاریل ڕەسولەیل 11:15

«وەختێ شرو وه قسیه کردم، روح‌القودوس ڕشیا سەریان، هەر ئەوجورە که له سەرەتاوه ڕشیاویه سەر ئیمەیش.

کاریل ڕەسولەیل 11:24

چوینکه بەرنابا پیاێ خاسێگ بی و پڕ بی له روح‌القودوس و ئیمان. ویجوره مەردم فرەێگ ڕوی هاوردنه خوداوەند.

کاریل ڕەسولەیل 13:52

وەلێ شاگردەگان پڕ له خوەشی و روح‌القودوس بین.

کاریل ڕەسولەیل 13:9

وەلێ شائول، که وەپێ وەتیان پولوس، پڕ له روح‌القودوس بی، چەو بڕیە پێ و وەت:

کاریل ڕەسولەیل 15:8

خوداێگ که زانی چه ها ناو دڵ گشتیەکی، شاێەتی ئەڕاێان دا و روح‌القودوس بەخشیه پێان، هەر ئەوجورەکە وه ئیمەیش بەخشی.

کاریل ڕەسولەیل 19:6

جا وەختێ پولوس دەس ناده ملێان، روح‌القودوس هاته سەریان و وه زوانیلتر قسیه کردن و نەبوەت کردن.

کاریل ڕەسولەیل 2:11

چ جویلەکە و چ ئەوانه که بینەسه جویلەکە؛ هەر ئیجوره مەردمیل کریتی و عەرەب، گشتمان شنەفیمن که وه زوان خوەمان باس کاریل گەوراێ خودا کەن.»

کاریل ڕەسولەیل 2:3

ئمجا، بڵیزەیلێ دابەش کریاگ جور بڵێزەیل ئاگر ئەڕاێان ئاشکرا بی و له سەر هەر کامێان دانیشت.

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

کاریل ڕەسولەیل 4:8

ئمجا پتروس پڕ له روح‌القودوس بی، جواو دا: «ئێ گەوراێیل قەوم و شێخیل،

کاریل ڕەسولەیل 6:3

جا ئێ برایل، له ناو خوەدان هەفت پیا هەڵوژنن که ناوێان وه خاسێ بەن و پڕ بون له روح و زانیاری، تا بنیمیانە سەر ئی کاره.

کاریل ڕەسولەیل 6:5

ئی قسیه گشتێان خوەشنودەو کرد. جا ئستیفان هەڵوژاردن، که پیاێگ پڕ له ئیمان و روح‌القودوس بی، وەگەرد فیلیپوس و پروخوروس و نیکانور و تیمون و پەرمیناس و نیکولائوس ئەنتاکی که بویه جویلەکە.

کاریل ڕەسولەیل 6:8

ئستیفان پڕ له فیز و هێز خودا، موجزەیل و نیشانەیل گەورا وەناو قەوم ئاشکرا کردیاد.

کاریل ڕەسولەیل 7:55

وەلێ ئستیفان پڕ له روح‌القودوس، چەو بڕیە ئاسمان و جەڵاڵ خودا دی و عیسا که وه دەس ڕاس خودا وساوی.

کاریل ڕەسولەیل 8:17

جا پتروس و یوحەنا دەس نانه سەریان و روح‌القودوس گردنەوەر.

کاریل ڕەسولەیل 9:17

جا حەنانیا دا دەیشت و چیه ناو ئەو ماڵه و دەس ناده سەری، وەت: «شائول براگەم، خوداوەند، یانێ هەر ئەو عیسا که وەختێ هاتیایده ئەڕا ئێرا وەناو ڕێ وه توی ئاشکرا بی، مه کل کردێه تا بینایی خوەد وه دەس باری و پڕ له روح‌القودوس بید.»

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

یەکم قورنتییل 12:10

وه یەکیگتر تویەناێ وه جێ هاوردن موجزەیل درێید، وه یەکیگتر نەبوەت و وه یەکیگتر تویەنایی ناسین روحیل. ئەڕا یەکیگتر قسیه کردن وه زوانیلتر بەخشریەد و وه یەکیگتر هەڵوگەردانن زوانیلتر.

یەکم قورنتییل 13:1

ئەگەر وه زوانیل ئایەمیل و فریشتەیل قسیه بکەم، وەلێ مابەت نیاشتوم، دێوڵ ناوڕاس چوڵ و سەنجێگ پڕ قرموقاڵم.

یەکم قورنتییل 13:8

مابەت هەراێهەر بنێ نیەتێی. له باوەت نەبوەتیل، ئەوانه له بین چن و زوانیل بنێان تێد و ماریفەت له بین چود.

یەکم قورنتییل 14:18

سپاس خودا کەم که فرەتر له گشتدان وه زوانێگتر قسیه کەم؛

یەکم قورنتییل 14:5

ئاوەختیم ئیەسه که گشتدان وه زوانیلتر قسیه بکێن، وەلێ فرەتر توام که نەبوەت بکێن. ئەوه که نەبوەت کێ، گەوراتر له ئەوەسه که وه زوانیلتر قسیه کێ، مەر ئیه که زوانەگه هەڵوگەردنێ تا بایس بنیاد ناین ئیمان کلیسا بود.

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

ئەفسوسیێل 5:18

مەس شراو نەون، چوینکه ئیوه وه کاریل ناپەسەن کیشێ؛ بەڵکەم له روح خودا پڕ بون.

ئەفسوسیێل 6:18

گشت وەختێگ، وه گشت جور دوعا و لاڵکیان، وەناو روح خودا دوعا بکەن. ئەڕا ئیه وه تەمام هوشیاریەو وه خەوەر بون و هەمویشه وه پاوه گەزداین ئەڕا گشت ئیمانداریل وه مەسیح دوعا بکەن.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

دویم پتروس 1:21

چوینکه هویچ نەبوەتێگ هویچ وەخت وه خاست ئنسان نیه، بەڵکەم ئایەمیل وه وەسلەێ روح‌القودوس له لاێ خوداوه قسیه کردن.