کاریل ڕەسولەیل 15:2 - کتاب مقدس به زبان کردی جنوبی - گویش کلهوری

² جا وەشون ئەوه که پولوس و بەرنابا له نوایان وسان و باس و دەمقاڵ سەختێگ کردن، وه ئیه ڕەسین که پولوس و بەرنابا و چەن نەفەرتر لەليان بچنه ئەڕا شار ئورشەلیم ئەڕا لاێ ڕەسولەگان و شێخیل له ئەو باوەتەو پرسیارەلێان بکەن.

کاریل ڕەسولەیل 15:2 ပူးပေါင်းရင်းမြစ်များ

کاریل ڕەسولەیل 10:23

جا پتروس دەنگیان کرد ئەڕا ماڵ تا بونه مێوانێ. ئی ڕوژەگەێ پتروس هەڵساد و وەگەردێان چی. هەر ئیجوره قێرێ له براگانێ وه مەردم یافایش وەگەردیەو چین.

کاریل ڕەسولەیل 11:12

روح خودا وەپێم وەت که بێ شک و دودڵی وەگەردێان بچم. ئی شەش برایشێ وەگەردم هاتن، ئیمەیش چیمنه ماڵ ئەو پیا.

کاریل ڕەسولەیل 11:30

جا ئیجوره کردن و وه دەس بەرنابا و شائول، هدیەێگ کل کردنه ئەڕا لاێ شێخیل ئورشەلیم.

کاریل ڕەسولەیل 15:25

جا ئیمه یەێ دڵ کەفتیمنه یەکا تا پیایلی دیاری بکێمن و وەگەرد عەزیزەیلمان یانێ بەرنابا و پولوس، کلێان بکێم ئەڕا لادان،

کاریل ڕەسولەیل 15:27

جا یەهودا و سیلاس کل کردیم تا هەر ئەو چشتیله وه زوان ئەڕادان بویشن.

کاریل ڕەسولەیل 15:4

وەختێ ڕەسینه ئورشەلیم، کلیسا و ڕەسولەگان و شێخیل چینه پیریانەو. پولوس و بەرنابا هەر چی که خودا له ڕێ ئەوانه کردوی، وەپێان وەتنەو.

کاریل ڕەسولەیل 16:4

ئەوانه وەختێ شار وه شار چیان، دەستوریلێگ که ڕەسولەیل و شێخیل وه شار ئورشەلیم گردوین، سپاردیانه مەردم تا ئەوانه وه جێ بارنەێ.

کاریل ڕەسولەیل 21:18

ئی ڕوژەگەێ وەگەرد پولوس چیمنه ئەڕا لاێ یاقوب. شێخیل گشتێان وه ئەوره بین.

یەکم قورنتییل 1:1

له پولوس، که وه خاست خودا دەنگ کریایه تا بوده ڕەسول مەسیح عیسا، هەر ئیجوره له براگەمان سوستنس،

دویم قورنتییل 11:5

وەلێ گومان نیەکەم مه له ئەوانه که خوێان وه ’گەورا ڕەسولەیل‘ خوەنن چشتێگ کەمتر بیاشتوم.

نامه وە غەلاتییل 2:5

ئیمه تەنانەت یەێ ئانیش مل ئەڕاێان نەخەفانیم تا ڕاسی ئینجیل وه تەمامی ئەڕادان بپارێزیەد.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.