کاریل ڕەسولەیل 1:4 - کتاب مقدس به زبان کردی جنوبی - گویش کلهوری

⁴ یەێ جار وەختێ وەگەردێانەو نان خواردیا، وەپێان دەستور دا که: «له ئورشەلیم نەچینه دەیشت، بەڵکەم چەوەڕێ ئەو وادەێ باوگه بوین که له منا شنەفتینه.

کاریل ڕەسولەیل 1:4 ပူးပေါင်းရင်းမြစ်များ

ئنجیل مەتا 10:20

چوینکه ئەیو که قسیه کەی ئیوه نین، بەڵکەم روح باوگ ئاسمانیدانه که وه زوان ئیوه قسیه کەی.

لوقا 11:13

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، چەنێ فرەتر باوگ ئاسمانیدان، روح‌القودوس وه هەر کەس که داوا له لێ بکێ، بەخشێدن.»

لوقا 12:12

چوینکه روح‌القودوس هەر ئەو وەخته یاێدان دەێ چه باێه بویشین.»

لوقا 24:49

من وادەێ باوگم ئەڕادان کل کەم؛ وەلێ ئیوه وەناو ئەو شاره بمینن تا ئەو وەخته که هێز خودا له ئاسمانەو بڕشیەده ملدانەو.»

یوحەنا 14:16

منیش له باوگ ئاسمانی داوا کەم و ئەیو پشتیوانێگ تر دەێده پێدان که تا ئەبەد وەگەرددان بمینێ،

یوحەنا 15:26

«وەلێ وەختێ ئەو پشتیوانێگ که له لاێ باوگ ئەڕادان کلی کەم، باێد، یانێ روح ڕاسی که له لاێ باوگەو تێد، ئەیو خوەێ له باوەت من شاێەتی دەێ،

یوحەنا 20:22

وەختێ ئیه وەت، پف کرده لێان و وەته پێان: «روح‌القودوس بگرنەوەر.

یوحەنا 7:39

عیسا ئی قسیه له باوەت روح خودا وەت، که ئەوانه که ئیمان وەپێ تیەرن، گرنەێ وەر؛ چوینکه هێمراێ روح خودا نێریاوی، ئەڕا ئیه که عیسا هێمراێ جەڵاڵ پەێا نەکردوی.

کاریل ڕەسولەیل 10:41

وەلێ نه ئەڕا گشتیەکی، بەڵکەم تەنیا وه شاێەتیلێگ که خودا وەرجەوە هەڵوژاردوی، یانێ وه ئیمه که وەشون زنیەو بوینی له مردگیل، وەگەردیەو خواردیمن و نوشایمن.

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.