دویم تیموتاوس 2:25 - کتاب مقدس به زبان کردی جنوبی - گویش کلهوری

²⁵ باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

دویم تیموتاوس 2:25 ပူးပေါင်းရင်းမြစ်များ

ئنجیل مەتا 11:29

هویەێ مه بخەنه ملدانەو له مه تالیم بگرن، چوینکه مه ئارام و دڵنەرمم و ئیوه وەناو گیان خوەدان ئاشاسێگ پەێا کەین،

ئنجیل مەتا 21:32

چوینکه یەحیا هات تا ڕێ ئیه که چوی سالحان بوین وەپێدان نیشان بێی، وەلێ ئیوه وەپێ ئیمان ناوردین. وەلێ باجگریل و ژنیل داوانپێس وەپێ ئیمان هاوردن. جا ئیوه تەنانەت وەشون ئیه که ئیه دین فکردان ئاڵشت نەکردین و وەپێ ئیمان ناوردین.

مەرقوس 1:15

وەتیا: «زەمان وه کەماڵ ڕەسیه و پادشایی خودا نزیکەو بیه. توبه بکەن و وی خەوەر خوەشه ئیمان بارن.»

یوحەنا 5:34

نه ئیه که مه شاێەتی ئنسان قەبوڵ بکەم، بەڵکەم ئی چشتیله ئویشم تا ئیوه نجات پەێا بکێن.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 5:21

وەختێ ئیه شنەفتن، دەم شەوەکی چینه ناو مابەد و خەریک تالیم داین مەردم بین. وەختێ کاهن گەورا و هاوکاریلێ که وەگەردیەو بین هاتن، ئاڵ شورا و گشت شێخیل ئێسرائیل چڕین و کەسیلێ کل کردن تا ڕەسولەگان له زندان بارن.

کاریل ڕەسولەیل 5:31

خودا ئەیو کرده گەورا و نجات دەر و بەرزێەو کرده دەس ڕاس خوەێ، تا قەوم ئێسرائیل ئی دەرفەته بیاشتون که توبه بکەن و گونایلێان بوەخشرێد.

کاریل ڕەسولەیل 8:22

وه ئی شەڕئاشویده توبه بکه و له خوداوەند بتوا تا بەڵکەم ئی فکریل دڵده بوەخشرێید؛

نامه وە غەلاتییل 6:1

ئێ برایل، ئەگەر کەسێگ تویش خەتاێگ هات، ئیوه که ئایەمیل روحانیگین باێه ئەوه وه یەێ روح ئارامێگەو وه ڕێ ڕاس هەڵوگەردنین. هوشدانه خوەدانەو بود نەخواێ ئیوەیش بخەلەتێین.

یەکم نامەێ تیموتاوس 2:4

که تواێد گشتیەکی نجات پەێا بکەن و وه ماریفەت ڕاسی برەسن.

یەکم نامەێ تیموتاوس 6:11

وەلێ توی ئێ پیاێ خودا، له گشت ئیانه دەر بچو، له شون سالح بوین و دینداری و ئیمان و مابەت و بەردەوامی و دڵنەرمی بو.

دویم تیموتاوس 3:7

هەرچەن هەمویشه تالیم گرن وەلێ هەراێهەر نیەتویەنن وه ناسین ڕاسی برەسن.

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

تیتوس 3:2

له باوەت کەسێگ خراو نویشن و له دەمقاڵ دویرەو بگرن و دڵنەرم بون و رێ رەوشتێان وەگەرد گشت مەردم وه حرمەتەو بود.

یاقوب 1:17

هەر خەڵات خاس و هەر خەڵات کامڵ له بانه، له لاێ باوگ نویریل تێدە خوار. هەر ئەو باوگه که وەناوێ نه گویڕیانیگ هەس و نه هویچ ساێەڕکیگ که وەبونەێ گویڕیان بود.

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم یوحەنا 5:16

ئەگەر کەسێگ بوینی براگەێ گوناێگ کەێد که بایس مردن نیود، دوعا بکێ و خودا ژیان بەخشیده پێ، ئیه له باوەت کەسیلێگ ئویشم که گونایلێگ کەن که بایس مردن نیود، گوناێگ هەس که بوده بایس مردن. له باوەت ئیجور گوناێگ نیویشم که باێه دوعا کرد.