دویم تیموتاوس 1:12 - کتاب مقدس به زبان کردی جنوبی - گویش کلهوری

¹² وه بونەێ ئیەسه که ئیجوره رەنج کیشم، وەلێ شەرمزار نیم، ئەڕا ئیه که زانم وه چ کەسێگ ئیمان هاوردمه و دڵنیام که ئەیو تویەناس ئەمانەتەگەم تا وەئەو ڕوژه بپارێزنێد.

دویم تیموتاوس 1:12 ပူးပေါင်းရင်းမြစ်များ

ئنجیل مەتا 12:21

ناو ئەیو بوده ئمید گشت قەومیل.»

ئنجیل مەتا 24:36

«وەلێ ئەو ڕوژ و ساته هویچکەس نیەزانێ بێجگه باوگ؛ تەنانەت فریشتەیل ئاسمان و کوڕیش وه لێ ئاگادار نین.

ئنجیل مەتا 7:22

وه ئەو ڕوژه فره کەسیل وەپێم ئویشن: ”گەورەم، گەورەم، مەر وه ناو تو نەبوەت نەکردیم؟ مەر وه ناو تو دێویل له ئایەمیل دەر نەکردیم؟ مەر وه ناو تو موجزەیل فرەێگ نەکردیم؟“

لوقا 10:12

وەپێدان ئویشم وه ڕوژ داوەری، تاموڵ موجازات ئەڕا شار سودوم ئاسانترە تا ئەڕا ئەو شاره.

لوقا 23:46

ئمجا عیسا وه دەنگ بەرز هاوار کرد: «باوگه، روحم سپارمه دەسیل تو.» ئیه وەت و هەناس ئاخرێ هەڵکیشا.

یوحەنا 17:15

داوا نیەکەم له جهان بویدێان بەڵکەم توام له ئەو شەڕئاشوه بپارێزنێدێان.

یوحەنا 6:44

هویچکەس نیەتویەنی باێه ئەڕا لام، مەر ئیه که باوگێ که کلم کرد، ئەوه بارێده ئەڕا لاێ مه، منیش وه ڕوژ ئاخر زنیەو کەم.

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

کاریل ڕەسولەیل 13:50

وەلێ جویلەکەیل، ژنيل خوداپەرەس و بەناوبانگ و هەرئیجوره پیاێل ناودار شار ڕشاننه یەکا و وه زد پولوس و بەرنابا گاڵدان. جا عەزاوێان دان و له ئەو مەنتەقه دەرێان کردن.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

کاریل ڕەسولەیل 7:59

وەختێ ئستیفان گردنه کوچگ، وه دەنگ بەرز کردەێ هاوار و دوعا کرد، وەت: «ئێ عیسا خوداوەند، روحم قەبوڵ بکه!»

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

رومیەگان 9:33

ئەوجورە که وەناو کتاو ئەشعەیاێ پەێخەمەر نویسریاس: «بنوڕ، وەناو کویەێ سەهیون کوچگێگ نەم که بوده بایس کەفتن و تاش کەمەرێگ که بوده بایس وه خوار کەفتن؛ هەر کەس ئیمان بارێده پێ، شەرمزارەو نیود.»

یەکم قورنتییل 1:8

ئەیو تا وه ئاخر بەردەوام پارێزنێدەدان، تا وەناو ڕوژ خوداوەندمان عیسا مەسیح بیتاوان بوین.

یەکم قورنتییل 3:13

کار هەر کەس ئاشکرا بود، ئەڕا ئیەک ’ڕوژ داوەری‘ گشت چشتێگ ئاشکراوه بود. چوینکه ئاگر دەرئەنجام کارەگه ئاشکرا کێ، نیشان دەێ کار هەر کەس چوینه.

نامەێ فیلیپییل 1:20

هەر ئەوجورە که وه تاسەوه چەوەڕێم و ئمیدوارم که وە هویچ چشتێگ شەرمزار نیوم، بەڵکەم وه کەماڵ ئازای، ئێرنگەیش جور هەمویشه، مەسیح وەناو جەسەم جەڵاڵ پەێا کەی، تواێ زنی بوم یا بمرم.

نامەێ فیلیپییل 3:10

تا مەسیح و هێز زنیەو بوینی بناسم و وەناو رەنجیل ئەیو بەشدار بوم و وەناو مردنێ هاوشیوەێ بوم،

نامەێ فیلیپییل 3:21

ئەیو وه هێزێ که تویەناێ ئەوه دەێەپێ تا گشت چشتێگ وه فەرمان خوەێ دەر بارێد، جەسەێ سوکمان که له بین چود گویڕنیدەو تا وه شێوەێ جەسەێ پڕ جەڵاڵ ئەیو دەر باێ.

نامەێ فیلیپییل 3:8

وەڕاسی گشت چشتێگ وەبونەێ ناسین خوداوەندم مەسیح عیسا که باێەختر له هەر چی چشته، زیان ژمارم. وەبونەێ ئەیو گشت چشتێگ له دەس دامه و هەر جور گناڵخه وه حساو تیەرم تا مەسیح وه دەس بارم و

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

یەکم تسالونیکییل 5:4

وەلێ ئیوه ئێ برایل، له ناو تیەریکی نين تا ئەو ڕوژه، جور دز لەناکاوه گیردان بارێ.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

دویم تیموتاوس 1:14

وه مەیەت روح‌القودوس که لەناو ئیمه نیشتەجێه، هوشده ئەو ئەمانەت خاسەو بود که وه پێد سپاریاس،

دویم تیموتاوس 1:16

بەزەیی خوداوەند وه مل بنەماڵەگەێ ئونیسیفوروس بود، ئەڕا ئیه که چەن جار گیان مه تازەوه‎ کردێه و له زنجیریلم شەرمزار نوی.

دویم تیموتاوس 1:18

خوداوەند وەپێ بوەخشێ که له ئەو ڕوژه له لاێ خوداوەند بەزەیی باێده پێەو. توی خوەد له خزمەتیل فرەێ ئەوه له شار ئەفسوس، خاس ئاگاداری.

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

دویم تیموتاوس 2:9

که وه بونەێ هامه ناو رەنج، تا وه ئەو ئەنازه که هەر جور جرم کەریل کیشانەسەمه زنجیر. وەلێ کەڵام خودا له زنجیر نیه.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 2:18

چوینکه ئەیو خوەێ وەختێ که ئەزمون بی رەنج کیشاس، تویەنێ ئەوانه که ئەزمون بون، مەیەتیان بێید.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم پتروس 4:16

وەلێ ئەگەر کەسێگ وە ناو مەسیحییگ رەنج کیشێد، شەرمزار نود، بەڵکەم خودا وەناو ئی ناوه جەڵاڵ بێید.

یەکم پتروس 4:19

جا بیل کەسیلێگ که وه پێ خاست خودا رەنج کیشن، گیانیل خوێان بسپارنه دەس ’درسکەر ئەمین‘ و لەناو کاریل خاس بەردەوام بون.

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،