دویم تسالونیکییل 3:5 - کتاب مقدس به زبان کردی جنوبی - گویش کلهوری

⁵ با خوداوەند دڵدان وه مابەت خودا و بەردەوامی مەسیح ڕێنمایی بکەید.

دویم تسالونیکییل 3:5 ပူးပေါင်းရင်းမြစ်များ

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

رومیەگان 8:25

وەلێ ئەگەر وه ئەو چشته که نیوینیم ئمید دێریم، وه سەورەو چەوەڕێمن.

رومیەگان 8:28

جا ئیمه زانیمن ئەڕا کەسیلێگ که خودا دوس دێرن و وه پێ ئامانج ئەیو دەنگ کریانه، گشت چشتێگ وه یەکەو ئەڕا خاسێ ئەوانه کار کەێ.

یەکم قورنتییل 8:3

وەلێ ئەوه که خودا دوس دێرێ، له لاێ خودا ناسیاس.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

یەکم تسالونیکییل 1:3

و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

یەکم تسالونیکییل 3:11

با ئێرنگه خودامان یانێ باوگ ئاسمانیمان خوەێ و خوداوەندمان عیسا، ڕێ ئیمه وەر‎و لادان هامار بکێد

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

یەکم پتروس 4:1

جا چوینکه مەسیح وه جەسه رەنج کیشا، خوەدان هەر وه ئەو فکره چەکدار و گورجەو بکەن، چوینکه هەر کەسێگ که وەناو جەسه رەنج کیشاس، دیتر وەگەرد گونا کارێگ نێرید و

دویم پتروس 3:12

چەوەڕێ هاتنەوەێ ڕوژ خودا بوین و جوری زنەیی بکێن تا ئەو ڕوژه زویتر برەسێ. وەبونەێ ئەو ڕوژه ئاسمانیل وه ئاگر کیشیەن و تویچیەن و ئەجرام ئاسمانی هەر ئەوجورە که سزیەن، تاویەنەوه.

یەکم یوحەنا 4:19

ئیمه مابەت کەیمن چوینکه یەکم جار ئەیو مابەتمان کرد.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 13:10

ئەگەر کەسێگ باێه وه گیرودەێ بچود، وه گیرودەێ چود. ئەگەر کەسێگ باێه وه شمشێر بکوشرێید، جا باێه وه شمشێر بکوشرێید. ئی کاره، بەردەوام بوین ئیمانداریل وه مەسیح تواید و ئیمان ئەوانه.