دویم تسالونیکییل 2:8 - کتاب مقدس به زبان کردی جنوبی - گویش کلهوری

⁸ ئەو وەخته ئەو بی دینه ئاشکرا بود، هەر ئەوه که خوداوەند عیسا وه هەناس دەم خوەێ ئەوه کوشێد و وەگەرد شکوی هاتن خوەێ، ئەوه له بین بید.

دویم تسالونیکییل 2:8 ပူးပေါင်းရင်းမြစ်များ

ئنجیل مەتا 13:19

وەختێ کەسێگ کەڵام پادشایی خودا شنەفێ وەلێ نیەفامیدێ، ئەو شەڕئاشوه تێد و کەڵامێ که وەناو دڵی کاڵیاس، دزید. ئیه هەر ئەو تویەمەسه که کەفتیەسه سەر ڕێ.

ئنجیل مەتا 13:38

زەویزار، ئی جهانەسه؛ تویەم خاسیش، ڕوڵەیل پادشایی خوەدان. غەلتاسەگان، ڕوڵەیل ئەو شەڕئاشونه؛

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

یەکم قورنتییل 1:28

خودا ئەو چشته که وەناو ئی جهانه پایەنزم و سوکه و تەنانەت وه هویچ و پویچن، هەڵوژارد تا چشتیلی که هەن، پویچەڵ بکێ،

دویم تسالونیکییل 2:3

مەیلن هویچکەسێگ وه هویچ ڕێیگ گولدان بێید. چوینکه تا یەکم جار ئەو ئاژاوە وه زد خودا نایده دی و ئەو پیا بی دینه که مناڵ نابودیه ئاشکرا نود، ئەو ڕوژه نیەرەسێد.

یەکم نامەێ تیموتاوس 6:14

که ئی حوکمه تا وەخت ئاشکرابوین خوداوەندمان عیسا مەسیح، بی لەک و پێس و دویر له هەر سەرزەنشتێگ هەڵبگرێ،

دویم تیموتاوس 1:10

وەلێ ئێرنگه وه ئاشکرابوین نجات دەر ئیمه مەسیح عیسا دیارداس، هەر ئەیو که له ڕێ ئینجیل، مەرگ له بین برد و ژیان و نەمری ئاشکراوه‎ کرد.

دویم تیموتاوس 4:1

له نوای خودا و مەسیح عیسا که وه مل زنییل و مردگیل داوەری کەید و وه ڕوی ئاشکرابوین و پادشاێ ئەیو، وه توی دەستور دەم که باێه‎

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 10:27

ئەو چشته که مینێد، چەوەڕێ بێن زیەلەتەرەکنێگ له داوەریه و گڕەێ ئاگرێگه که دشمەنیل خودا سزنێد و کەێده خوڵەکەو.

یەکم یوحەنا 2:13

ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه وه ئەو شەڕئاشوه زاڵەو بینه. ئێ ڕوڵەیل، ئەڕا ئیوه نویسم، چوینکه باوگ ئاسمانی ناسین.

یەکم یوحەنا 3:12

ئیمه نەبایه جور قائن بویمن، ئەوه که هن ئەو شەڕئاشوه بی و براگەێ خوەێ کوشت. ئەڕا چه کوشتی؟ چوینکه کاریل خوەێ خراو بی و کاریل براگەێ درس بی.

یەکم یوحەنا 5:18

ئیمه زانیمن که هەر کەسێگ له خودا هاتیەسه دنیا وه گونا کردن بەردەوام نیەمینێ، بەڵکەم ’ئەو کوڕ خودا که له خودا هاتیەسه دنیا‘ پارێزنێدێ و دەس ئەو شەڕئاشوه نیەرەسێده پێ.

وەحی وه یوحەنا 1:16

له دەس ڕاسی هەفت هەساره داشت و له دەمیەو شمشێر فره تێژ و دو دەمێگ هاتیاده دەیشت و دەمچەوی هەر جور خوەر بی که وه گشت قەوەتێەو دەرەوشیاد.

وەحی وه یوحەنا 13:5

دەمێگ دریاویه ئەو گیانەوەر دڕنه تا قسیەيل قوزانه و هامیته وه کفر بکێ و ئجازه دریاده پێ تا دەسڵات خوەێ چل و دو مانگ وه کار بوێد.

وەحی وه یوحەنا 19:15

جا شمشێر فره تێژێگ له دەمیەو تێده دەیشت، تا وەگەردیەو بێیده ملەتیل. «وەگەرد گوچانێگ ئاسنی وه ملێانەو حوکم کەی.» ئەیو ئەنگویر توڕەیی و خەزەو خوداێ هەر وه تویەنا وەناو کەوەڵ شراو پاوڵا کێ.

وەحی وه یوحەنا 2:16

جا توبه بکه، ئەگەر نه و ئی زویه تیەمه ئەڕا لاد و وه شمشێر دەمم وەگەردێانەو کەمێ جەنگ.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.