دویم تسالونیکییل 2:3 - کتاب مقدس به زبان کردی جنوبی - گویش کلهوری

³ مەیلن هویچکەسێگ وه هویچ ڕێیگ گولدان بێید. چوینکه تا یەکم جار ئەو ئاژاوە وه زد خودا نایده دی و ئەو پیا بی دینه که مناڵ نابودیه ئاشکرا نود، ئەو ڕوژه نیەرەسێد.

دویم تسالونیکییل 2:3 ပူးပေါင်းရင်းမြစ်များ

یوحەنا 17:12

تا وەختێگ که وەگەردێانەو بیم، ئەوانه وه ئەو ناوده که تو بەخشایده پێم، پارێزانمێان و پاسەوانیان کردم. کەسێگیان نابود نوینه بێجگه کوڕ نابودی، تا قسیەێ کتاو موقەدەس باێه دی.

یەکم قورنتییل 6:9

ئێ نيەزانين کەسیلێ که حەق نەنه ژێر پا نیەونه میراتیخوەر پادشایی خودا؟ خوەدان گول مەێەن! داوانپێسیل، بتپەرەسیل، خێزیل، نێربازیل،

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

یەکم یوحەنا 2:18

ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

یەکم یوحەنا 4:3

هەر روحێگیش وه زوان نارێ عیسا وەناو جەسەێ بەشەری هاتێه، له خودا نیه. ئیه هەر ئەو روح ”زد مەسیحەسه“ که شنەفتینه تێد و ئێرنگەیش ها ناو جهان.

وەحی وه یوحەنا 17:11

ئەو گیانەوەر دڕنه که زەمانێگ بیەسێ و ئێرنگه نیەسەێ، پادشا هیشتمه. وەلێ وه ئەو هەفت نەفەره تالوق دێرێ و وەرەو نابودی چود.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.