دویم تسالونیکییل 2:2 - کتاب مقدس به زبان کردی جنوبی - گویش کلهوری

² زوی فکردان نەشیوێد یا پەشێو نوین، چ له ڕێ یەێ روح چ له ڕێ یەێ وتار یا نامەێگ که چماێ له لاێ ئیمەس، که ئویشێ ڕوژ هاتنەوێ خوداوەند عیسا رەسیه.

دویم تسالونیکییل 2:2 ပူးပေါင်းရင်းမြစ်များ

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

مەرقوس 13:7

وەختێ له باوەت جەنگیل شنەفین و خەوەر جەنگیل وه گوشدان رەسێ، ڕخدان نەچود. ئیجور هەڵکەفتیلێ باێه بکەفێ، وەلێ هێمراێ ئاخر زەمان نویه.

لوقا 21:19

تاقەت بارن، که گیان خوەدان نجات دین.

لوقا 21:9

«وەختێ خەوەر شەڕیل و ئاژاوەیل شنەفین، ڕخدان نەچود. چوینکه باێه یەکم جار ئیجور هەڵکەفتیلێ باێه دی، وەلێ ئاخر کار وی زویه نیەرەسێ.»

یوحەنا 14:1

«دڵدان پەشێو نود. وه خودا ئیمان بیاشتون؛ وه منیش ئیمان بیاشتون.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

یەکم قورنتییل 1:8

ئەیو تا وه ئاخر بەردەوام پارێزنێدەدان، تا وەناو ڕوژ خوداوەندمان عیسا مەسیح بیتاوان بوین.

یەکم قورنتییل 14:32

روح نەبوەتکەریل گوشه نەبوەتکەریل تەکنن.

یەکم قورنتییل 7:26

من ئیجوره فکر کەم که وەبونەێ زامەتیل ئی زەمانه ئەڕا ئنسان خاسه هەر ئەوجورە که هەس، بمینێ.

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

یەکم تسالونیکییل 3:3

تا هویچکەسێگ وه بونەێ ئی بەردیله نەکەفیه ڕکه، چوینکه ئیوه خوەدان خاس زانين که ئیمه ئەڕا ئیه دیاری کریایمنه.

یەکم تسالونیکییل 4:15

ئیه وه وەسلەێ کەڵام خود خوداوەند جار دیمنه پێدان: ئیمه که زنیمن و تا هاتن خوداوەند باقی مینیم، نیەکەفیمنه نوای ئەو ئیمانداریلێگ که مردنه.

یەکم تسالونیکییل 5:2

چوینکه خوەدان خاس زانين که ڕوژ هاتنەوەێ خوداوەند عیسا هەر جور دزێگ که شەوەناو تێد، رەسێد.

دویم تسالونیکییل 2:15

جا، ئێ برایل، بەردەوام بوین و قورس بلچکێینه نەریتیلێگ که چ وه قسیەیلمان و چ وه نامەمان له لێمان یاێ گردین.

دویم تسالونیکییل 3:17

مه، پولوس، وه دەس خەت خوەم ئی سڵامه نویسم. ئیه نیشانەێ مه وەناو گشت نامەیلمه. مه ئیجوره نویسم.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.