دویم تسالونیکییل 2:12 - کتاب مقدس به زبان کردی جنوبی - گویش کلهوری

¹² تا گشت کەسیلێگ که ڕاسی باوەڕ نەکردنه بەڵکەم له نادرسێ خوەشنودەو بین، ماکوم بون.

دویم تسالونیکییل 2:12 ပူးပေါင်းရင်းမြစ်များ

مەرقوس 14:11

ئەوانه وەختێ قسیەیل یەهودا شنەفتن، شادەو بین و وەپێ وادەێ پویل دان. جا یەهودا وەشون دەرفەتێگ بی تا عیسا بێیده دەسێان.

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

رومیەگان 1:32

هەر چەن له حوکم دادپەروەرانەێ خودا ئاگادارن که ئەوانەێ که ئیجور کاریلێ کەن، سزاێان مەرگه، نه تەنیا خوێان ئەو کاریله کەن، بەڵکەم کەسیلێگیش که ئەو کاریله کەن، مور کەن.

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

یەکم قورنتییل 13:6

مابەت له خراوی خوەشاڵ نیود، وەلێ له ڕاسی دڵشاد بود.

یەکم تسالونیکییل 5:9

چوینکه خودا ئیمه نه ئەڕا خەزەو، بەڵکەم ئەڕا وه دەس هاوردن نجات له ڕێ خوداوەندمان عیسا مەسیح دیاری کردێه،

دویم تسالونیکییل 2:10

هەر ئیجوره ها گەرد گشت جور شەڕئاشویی، که ئەوانه که هانه ڕێ نابودی، گول دەێد. ئیانه وه ئەو خاتره له بین چن که نەتواسن ڕاسی دوس بیاشتون و ئیجوره نجات پەێا بکەن.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.