دویم تسالونیکییل 1:9 - کتاب مقدس به زبان کردی جنوبی - گویش کلهوری

⁹ سزاێ ئیانه نابودی هەمویشەیه، دویر بین له لاێ خوداوەند و له جەڵاڵ هێز ئەیوه،

دویم تسالونیکییل 1:9 ပူးပေါင်းရင်းမြစ်များ

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 22:13

ئمجا پادشا وه خزمەتکاریلی وەت: ”دەس و پاێ بوەسن و فڕەی بێەنه تیەریکی دەیشت، شونێگ که گیره و دگان وه بان یەک ساینه.“

ئنجیل مەتا 24:30

ئمجا نیشانەێ کوڕ ئنسان وەناو ئاسمان کەفێه دەیشت، ئەوسا گشت هوزیل زەوی ئازیەتباری کەن و کوڕ ئنسانیش دوینن که وه هێز و جەڵاڵ فره گەوراێگ وه مل هەوریل ئاسمانەو تێید.

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

ئنجیل مەتا 25:46

جا ئەوانه چنه ئەڕا ناو سزاێ ئەبەدی، وەلێ سالحان ئەڕا زنەیی ئەبەدی.»

ئنجیل مەتا 26:24

کوڕ ئنسان هەر ئەوجورە که وەناو کتاو موقەدەس لەباوەتێەو نویسریاس، چود، وەلێ وای وه حاڵ ئەو کەسه که کوڕ ئنسان دەێده دەس دشمەنەو. ئەڕاێ خاستر ئیه بی هەراێهەر ناتیاده دنیا.»

ئنجیل مەتا 7:23

ئمجا منیش ئاشکرا وەپێان ئویشم، ”هەراێهەر ئیوه نەناسیمه. له مه دویرەو بکەفن، ئێ خراوکاریل!“

لوقا 13:27

وەلێ ئەوه ئویشێ: ”ئیوه نیەناسم؛ نیەزانم هن کورەین. له مه دویرەو بکەفن، ئێ خراوکاریل!“

یوحەنا 5:14

وەشون چەنێ، عیسا پیاگه وەناو مابەد پەێا کرد، وەپێ وەت: «بنوڕ خاسەو بیده، دی گونا مەکه تا له ئیه بەتر وه سەرد نای.»

نامەێ فیلیپییل 3:19

ئاخر ئەوانه له بین چینه. خوداێ ئەوانه زگێانه و وه چشتیل نەنگ هاوەرێان شانازی کەن و فکریلێان ها بان چشتیلێگ که هن زەوین.

یەکم تسالونیکییل 5:3

ئەو وەخته که مەردم ئویشن: «ئاشتی و سڵامەتی و ئەمنیە»، ئمجا له ناکاوه نابودی ڕشێیده ملێانەو، هەرئەوجوره که ژن ئێمڵه تویش ژان زایێن تێد؛ ئەوانه دەرچینێگ له لێ نێرن.

دویم تسالونیکییل 2:8

ئەو وەخته ئەو بی دینه ئاشکرا بود، هەر ئەوه که خوداوەند عیسا وه هەناس دەم خوەێ ئەوه کوشێد و وەگەرد شکوی هاتن خوەێ، ئەوه له بین بید.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 10:29

جا وه گومان ئیوه کەسێگ که کوڕ خودا پاوڵا کردێه و خوین پەێمانێگیش که وه ئەوه تەقدیس بویه، ناپاک ژماردیه و وه روح پڕ له فیز خودا، بی حرمەتی کردێه، چەنێ فرەتر شایسەێ موجازاتێگ سەختتر بود؟

دویم پتروس 2:17

ئی ماموستایل دروەکانی میننه، کیەنییل بی ئاو و تەمیلێگ که واهێڵان ڕانیەسێان. ئەڕاێان تیەریکی و زوڵەمات دیاری کریاس.

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەهودا 1:13

ئیانه هەر جور تافیل خروشان دەریان که کاریل نەنگ هاورێان هەر جور کەف تێدە بان ئاو؛ هەساریل وێڵێگن که تیەریکی و زولەمات، تا ئەبەد ئەڕاێان دیاری کریاس.

وەحی وه یوحەنا 20:11

ئمجا تەخت گەورا و چەرمگیگ دیم و کەسێگ که له بانی دانيشتوی. زەوی و ئاسمان له لاێ ئەیو دەرچین و شونێگ ئەڕا ئەوانه پەێا نوی.

وەحی وه یوحەنا 20:14

جا مەرگ و جهان مردگیل فڕه دریانه ناو دەریاچەێ ئاگر. دەریاچەێ ئاگر، مەرگ دویمه.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.