دویم پتروس 3:9 - کتاب مقدس به زبان کردی جنوبی - گویش کلهوری

⁹ وه پێچەوانەێ گومان بڕێگ، خوداوەند له وه جێ هاوردن وادەێ خوەێ ماتەڵی نیەکەێد، بەڵکەم وه سەور تاموڵدان کەێد، چوینکه نیەتواید کەسێگ له بین بچود بەڵکەم تواید گشت‎یەکی ڕوی بارنه توبه.

دویم پتروس 3:9 ပူးပေါင်းရင်းမြစ်များ

رومیەگان 13:11

بێجگه ئیه ئیوه زانین هاینه ناو چ زەمانێگ. چوینکه ساتێ ڕەسیه که له خەو هەڵسێن، ئەڕا ئیەک ئێرنگه وه بەراورد وەگەرد ئەو وەخته که تازه ئیمان هاوردیم، نجات وه ئیمه نزیکتره.

رومیەگان 13:12

شەو تەمامە و ڕوژ نزیکه. جا بان کردەوەێ تیەریکی فڕەی بیمن و زرەی نویر بکێمنه وەر.

رومیەگان 2:4

یا دەوڵەمەنی مێرەبانی و سەور و تاموڵ خودا سوکەو کەێد و نیەزانێ که مێرەبانی خودا له ئەو باوەتەسه که تو وەرەو توبه بوێد؟

رومیەگان 9:22

چه بود بویشی ئەگەر خودا هەرچەن تواێ خەزەو خوەێ نیشان بێێ و هێز خوەێ ئاشکرا بکێ، دەفریل خەزەو که ئەڕا له بین چین گورجەو بینه، وەگەرد سەور فرەێگ تاموڵ بکێ،

یەکم نامەێ تیموتاوس 1:16

وه ئی بونه، بەزەیی وەپێم کریا تا مەسیح عیسا سەور بێ پاێان خوەێ ئەڕا مه که گەوراترین گوناکاریل بیم، نیشان بێید، تا نمونەێگ بوم ئەڕا گشت ئەوانه که له ئیەولا وه ئەیو ئیمان هاوردنه و زنەیی ئەبەدی پەێا کەن.

یەکم نامەێ تیموتاوس 2:4

که تواێد گشتیەکی نجات پەێا بکەن و وه ماریفەت ڕاسی برەسن.

عبرانییل 10:37

چوینکه «وەشون ماوەێ کەمێگ ئەیو که باێه باێد، تێد و ماتەڵی نیەکێ.

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.

وەحی وه یوحەنا 2:21

وه پێ دەرفەت دام تا توبه بکێ، وەلێ نیەتواێ له خیزی خوەێ توبه بکێ.