دویم پتروس 3:2 - کتاب مقدس به زبان کردی جنوبی - گویش کلهوری

² تا پێشگویەگان پەێخەمەریل موقەدەس بارینه هویردان و هەر ئیجوره حوکم خوداوەند و نجات دەر که وه وەسلەێ ڕەسولەیل ئیوه وەتریاس.

دویم پتروس 3:2 ပူးပေါင်းရင်းမြစ်များ

لوقا 1:70

هەر ئەو جوره که له جارانەو وه زوان پەێخەمەریل موقەدەس خوەێ وەتوی

لوقا 24:27

ئمجا له تەورات موسا و گشت پەێخەمەریل شرو کرد و هەر چی که وەناو گشت کتاو موقەدەس له باوەتێ قسیه کریاس، ئەڕاێان وەت.

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

کاریل ڕەسولەیل 10:43

پەێخەمەریل گشتێان شاێەتی ئەڕاێ دەن که هەر کەس ئیمان وەپێ بارێ، وه ناو ئەیو گونایلێ بەخشریەد.»

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

کاریل ڕەسولەیل 3:18

وەلێ خودا ئەو چشته که وه زوان گشت پەێخەمەریل پێشگویی کردوی، هاورده دی: که مەسیحەگەێ رەنج کیشێد.

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

نامه وە غەلاتییل 6:2

باریل قورس یەکترەکی هەڵبگرن که ئیجوره شەریعەت مەسیح وه جێ تیەرێن.

ئەفسوسیێل 2:20

ئیوه له سەر بنەواێگ نریاینەسه پاوه که ڕەسولەیل و نەبوەتکەریل داێنانه، که مەسیح عیسا خوەێ گرنگترین کوچگ ئەو بەناسه.

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

یەکم نامەێ تیموتاوس 6:14

که ئی حوکمه تا وەخت ئاشکرابوین خوداوەندمان عیسا مەسیح، بی لەک و پێس و دویر له هەر سەرزەنشتێگ هەڵبگرێ،

دویم پتروس 2:21

چوینکه ئەڕا ئەوانه خاستر بی که هویچ وەخت ڕێ سالح بوین نیەناسیان، تا ئیەک وه شون ناسینێ، له حوکم موقەدەسیگ که سپاریاسه پێان، هەڵوگەردن.

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.

دویم پتروس 3:16

ئەوه له ناو گشت نامەیل خوەێ هەر وەخت که باس ئی کاریله کێ، ئیجوره نویسید. نامەیل ئەوه چشتەیلێگ ها ناوێ که فامی سەخته و نەزانیل و کەسیلێگ که بەردەوام نین ئەوه گویڕنن، هەر ئەوجورە که وه گەرد ئەو باقی نویسریایل موقەدەس ئیجوره کەن و ئیه سەوەو له بین چیێنیانه.

یەکم یوحەنا 4:6

ئیمه له خودایمن و هەر که خودا بناسێ، وه ئیمه گوش گری. هەر که له خودا نیه، وه ئیمه گوش نیەگرێ. له ئی ڕێه روح ڕاسی له روح گومڕایی ناسیم.

یەهودا 1:17

وەلێ ئیوه ئێ عەزیزەیل، باێه پێشگویییل ڕەسولەیل خوداوەند ئیمه عیسا مەسیح وه هویردان بود.

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»