دویم پتروس 3:17 - کتاب مقدس به زبان کردی جنوبی - گویش کلهوری

¹⁷ جا ئیوه ئێ عەزیزەیل، ئێرنگه که وه نواوه ئی چشتیله زانين، هوشدان بود نەخواێ وه خەتای مەردم نادرس له ڕێ دەر بچین و بەردەوامیدان له دەس بیەین،

دویم پتروس 3:17 ပူးပေါင်းရင်းမြစ်များ

ئنجیل مەتا 16:11

ئێ ئەڕا نیەفامین که من له باوەت نان قسیه نەکردم؟ له خەویرترش فەریسییل و سەدوقییل دویرێ بکەن.»

ئنجیل مەتا 16:6

عیسا وەپێان وەت: «هوشدان بود، له خەویرترش فەریسییل و سەدوقییل دویرێ بکەن.»

ئنجیل مەتا 7:15

«هوشدانه پەێخەمەریل دروەکانی بود. ئەوانه وەناو پوس مێەگان تیەنه ئەڕا لادان، وەلێ وه ناوەو گورگێل دڕنەێگن.

یوحەنا 16:4

وەلێ ئیانه وەپێدان وەتمه تا ئەوسا که وەخت هەڵکەفتنێان رەسێ، بارینه هویردان که مه ئاگاداردان کردم. مه له سەرەتاوه ئی چشتیله وەپێدان نەوەتم، چوینکه خوەم وەگەرددانەو بیم.

کاریل ڕەسولەیل 2:42

ئەوانه وەخت خوێان ناوین ئەڕا تالیم گردن له ڕەسولەیل و رەفاقەت و لەت کردن نان و دوعا.

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

یەکم قورنتییل 10:12

ئمجا ئەوه که گومان کێ ها سەرپاوه، هوشێ بود که نەکەفێ!

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

نامه وە غەلاتییل 5:4

ئیوه که تەقالا کین وەگەرد وه جێ هاوردن شەریعەت سالحان وه حساو باین، له مەسیح جیاوه بینه و له فیز دویرەو کەفتینه.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

نامەێ فیلیپییل 3:2

له ئەو گەماڵیله دویرەو بگرن، له ئەوانه که کارێان شەڕئاشویه، دویرەو بگرن! له ئەو کەسیلێ که ئەڕا خەتەنه، جەسه بڕن دویرەو بگرن!

نامه وه کولوسییل 2:5

چوینکه هەرچەن وەناو جەسه لەلادان نیم، وەلێ وەناو روح هامه گەرددانەو له دین ڕێک‎وپێکی و ئیمان بەردەوامدان وه مەسیح، خوەشاڵم.

نامه وه کولوسییل 2:8

ئاگادار بوین کەسێگ ئیوه وەگەرد فەلسەفه و فریو پویچ گیرودەدان نەکەید، که وه پێ نەریت ئایەمیل و بیروڕایل سەرەتایی ئی جهانەسه، نه وه پێ مەسیح.

دویم تیموتاوس 4:15

تنیش له ئەوه دویر بگر، چوینکه وه سەختی له ڕوی وه ڕوی پێخام ئیمه هەڵساس.

عبرانییل 3:14

ئەڕا ئیه که ئیمه وەناو مەسیح بەشدارەو بویمنه، ئەگەر وه ڕاسی ئەو دڵنیاییه که له سەرەتایی داشتیم تا وه ئاخر قورس بپارێزنیم.

یەکم پتروس 5:9

جا وه نوای ئەوه بوسین، وەناو ئیماندان قورس بون، چوینکه زانین برايلدان وەناو دنیا هەر ئی زامەتیله کیشن.

دویم پتروس 2:7

و ئەگەر لوت سالحان که له ڕێ رەوشت هەرزەیی ئەو ئایەمیله شەڕئاشوه فره پەشێو بوی ڕزگار کرد،

دویم پتروس 3:1

ئێ عەزیزەیل، ئیه نامەێ دویمه که ئێرنگه ئەڕادان نویسم. هەر دو نامەگه وه بونەێ ئیه که بارمه هویردان‎ نویسامه تا ئیوه ئەڕا یە فکر پاک هەڵگڕنم،

وەحی وه یوحەنا 2:5

جا باره هویرد که له کوره کەفتیەسه خوار. توبه بکه و کاریلێگ وه جێ بار که له سەرەتا وه جێ هاوردیاید. ئەگەر نه تیەمه ئەڕا لاد و چراخدانەگەد له ئەوره که هەس، هەڵگرم، مەر ئیه که توبه بکێ.