دویم پتروس 3:10 - کتاب مقدس به زبان کردی جنوبی - گویش کلهوری

¹⁰ وەلێ ڕوژ هاتنەوەێ خوداوەند عیسا جور دز تێ و ئمجا ئاسمانیل وەگەرد قیڕەێ خراوێگ له بین چن و ئەجرام ئاسمانی سزیەن و تویچیەن، زەوی و گشت کاریلێگ که له بانێ کریاس، دیار دەێد.

دویم پتروس 3:10 ပူးပေါင်းရင်းမြစ်များ

ئنجیل مەتا 24:35

ئاسمان و زەوی له بین چود، وەلێ قسیەیل مه هەراێهەر له بین نیەچود.

مەرقوس 13:31

ئاسمان و زەوی له بین چود، وەلێ قسیەیل مه هەراێهەر له بین نیەچود.

لوقا 12:39

«وەلێ ئیه بزانن ئەگەر خاون ماڵ بزانستیا دز وه چ ساتێگ تێد، نەێشتیاد وه ماڵەگەێ دزی بکێ.

رومیەگان 8:20

چوینکه درسکریایل خودا دریاده دەس پویچێ، نه وه خاست خوەێ، بەڵکەم وه بونەێ ئەیو که دادەێ دەسەو، وه ئی ئمیده

یەکم قورنتییل 1:8

ئەیو تا وه ئاخر بەردەوام پارێزنێدەدان، تا وەناو ڕوژ خوداوەندمان عیسا مەسیح بیتاوان بوین.

یەکم قورنتییل 5:5

ئیوه باێه ئی پیا بێینی دەس شەیتان تا وەگەرد له بین چین جەسەگەێ، روحەگەێ له ڕوژ خوداوەند عیسا نجات پەێا بکێ.

دویم قورنتییل 1:14

هەر ئەوجورە که تا ئەنازەێگ ئیمه فامینه، وەناو ڕوژ خوداوەندمان عیسا هەر ئەوجورە که ئیمه وه ئیوه شانازی کەیمن، ئیوەیش وه ئیمه شانازی بکێن.

یەکم تسالونیکییل 5:2

چوینکه خوەدان خاس زانين که ڕوژ هاتنەوەێ خوداوەند عیسا هەر جور دزێگ که شەوەناو تێد، رەسێد.

یەکم تسالونیکییل 5:4

وەلێ ئیوه ئێ برایل، له ناو تیەریکی نين تا ئەو ڕوژه، جور دز لەناکاوه گیردان بارێ.

دویم پتروس 3:11

جا ئیسه که گشت ئیانه وەئی جوره تویچیەن، ئیوه چوی مەردمیلێگ باێه بوین؟ ها ملدانەو که زنەیی موقەدەس و خودا پەسەنێگ بیاشتوین.

دویم پتروس 3:12

چەوەڕێ هاتنەوەێ ڕوژ خودا بوین و جوری زنەیی بکێن تا ئەو ڕوژه زویتر برەسێ. وەبونەێ ئەو ڕوژه ئاسمانیل وه ئاگر کیشیەن و تویچیەن و ئەجرام ئاسمانی هەر ئەوجورە که سزیەن، تاویەنەوه.

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەهودا 1:6

ئەیو فریشتەیلێگیش که وه جیگەێ دەسڵات خوێان نەمەنن، بەڵکەم نیشتەجیەگەێ خوێان هیشتنه جێ، وه زنجیریل ئەبەدی کیشاس و تا وەخت دادگایی له ئەو ڕوژ فره گەورا، له ناو تیەریکی و زولەمات گیر داس.

وەحی وه یوحەنا 16:15

«بنوڕ، هەر جور دز تیەم! خوەش وه حاڵ ئەو کەسه وەخەوەر مەنید و دڵنگەگەێ ها وەرێ، تا نەخوای ڕویت خڕ بخوێ و له تەمام جهان حەێاێ بچود.»

وەحی وه یوحەنا 20:11

ئمجا تەخت گەورا و چەرمگیگ دیم و کەسێگ که له بانی دانيشتوی. زەوی و ئاسمان له لاێ ئەیو دەرچین و شونێگ ئەڕا ئەوانه پەێا نوی.

وەحی وه یوحەنا 21:1

ئمجا ئاسمانیێگ تازه و زەویێگ تازه دیم، چوینکه ئاسمان یەکم و زەوی یەکم گوزیشتوی و دیتر دەریاێگ نوی.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.

وەحی وه یوحەنا 6:14

جا ئاسمان جور تومارێگ که پێچێیده ناو خوێەو نوقوم بی و هەر کویه و جەزیرەێگ له جێ خوەێ هەڵکەنیاد.