دویم پتروس 2:4 - کتاب مقدس به زبان کردی جنوبی - گویش کلهوری

⁴ چوینکه ئەگەر وەختێ فریشتەیل گونا کردن، بەزەیی خودا ناته پێانا، بەڵکەم ئیانه خسته سیەچاڵ جەهەنم و ئەوانه وه زنجیریل تیەریکی و زولەمات زندانی کرد تا ئەڕا ڕوژ داوەری بنریەنەلا؛

دویم پتروس 2:4 ပူးပေါင်းရင်းမြစ်များ

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

مەرقوس 5:7

جا وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ قەسەمد دەمه خودا عەزاوم نێد!»

لوقا 10:18

عیسا وەپێان وەت: «شەیتان دیم که جور پرویسکه وه ئاسمانەو کەفتیاده خوار.

لوقا 8:31

دێوەگان لاڵکیانه عیسا و تواسن دەستور نێده پێان تا بچنه جهان مردگیل.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

رومیەگان 11:21

چوینکه ئەگەر خودا بەزەیی ناته پەله ئەسلیەگان، وه تنیش بەزەیی نیەتێ.

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

دویم پتروس 2:11

وه حاڵێگەو تەنانەت فریشتەیل که هێز و قەوەتیان فره فرەتره، هەراێهەر له وەخت جار داین ماکومیەتیان له لاێ خوداوەند، خراو نێەنه پێان.

دویم پتروس 2:5

و ئەگەر بەزەیی خودا ناته جهان جارانیشەو، بەڵکەم وەختێ که وه جهان خودانەناسیل واهێڵان هەنارد، تەنیا نوح که بانگەوازیکەر سالح بوینه، وەگەرد هەفت نەفەر تر پارێزان؛

دویم پتروس 2:9

جا خوداوەند زانید چوی ئایەمیل خوداناس له ئەزمونیل ڕزگار بکێ و ئایەمیلێگ که سالحان نین تا ڕوژ داوەری له ژێر سزا بنێده لا،

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

یەهودا 1:13

ئیانه هەر جور تافیل خروشان دەریان که کاریل نەنگ هاورێان هەر جور کەف تێدە بان ئاو؛ هەساریل وێڵێگن که تیەریکی و زولەمات، تا ئەبەد ئەڕاێان دیاری کریاس.

یەهودا 1:6

ئەیو فریشتەیلێگیش که وه جیگەێ دەسڵات خوێان نەمەنن، بەڵکەم نیشتەجیەگەێ خوێان هیشتنه جێ، وه زنجیریل ئەبەدی کیشاس و تا وەخت دادگایی له ئەو ڕوژ فره گەورا، له ناو تیەریکی و زولەمات گیر داس.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.