دویم پتروس 2:2 - کتاب مقدس به زبان کردی جنوبی - گویش کلهوری

² قێر فرەێگ کەفنه شون هەرزەیی ئەوانه و وه بونەێان وه ڕێ ڕاسی کفر ئویشریێ.

دویم پتروس 2:2 ပူးပေါင်းရင်းမြစ်များ

ئنجیل مەتا 22:16

ئەوانه شاگردەگانێان وەگەرد هەواخوازیل هیرودیس کل کردنه لاێ عیسا و وەتن: «ماموستا، زانیم پیاێگ ڕاس و درسی و ڕێ خودایش وه درسی یاێ دەێ له کەسێگیش زاورد نیەچود، چوینکه وه شێوەێ کەسێگ نیەنوڕید.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 7:14

وەلێ تەنگه ئەو دەر و سەخته ئەو ڕێه که وەرەو زنەیی چود و کەم کەسێگ دوینیدەوی.

مەرقوس 12:14

ئەوانه هاتنه ئەڕا لاێ و وەتن: «ماموستا، زانیم پیاێگ ڕاس و درسی و له کەسێگیش زاورد نیەچود، چوینکه وه شێوەێ مەردم نیەنوڕێ، بەڵکەم ڕێ خودا وه درسی یاێ دەێ. باج داین وه قیسەر ڕەواس یا نه؟ ئیمه باێه باج وەپێ بێیم یا نه؟

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

کاریل ڕەسولەیل 13:10

«ئێ کوڕ شەیتان، ئێ دشمەن هەر چی سالح بوینه، که پڕ له فێڵ و فریوی! ئەڕا وه چەفت کردن ڕێیل ڕاس خوداوەند نیەوسیدەو؟

کاریل ڕەسولەیل 14:2

وەلێ ئەو جویلەکەیله که ئیمان ناوردوین، ناجویلەکەیل گاڵدان و فکرێان له باوەت برایل، خراو کردن.

کاریل ڕەسولەیل 16:17

ئەوه کەفتیاده شون ئیمه و پولوس و هاوار کردیاد: «ئی پیاێله، خزمەتکاریل خوداێ هەربەرزن و ڕێ نجات وەپێدان جار دەن.»

کاریل ڕەسولەیل 18:26

ئەوه وه ئازایی وەناو کەنیسه شرو کرده قسیه کردن. وەختێ پریسکیلا و ئاکیلا قسیەیلێ شنەفتن، بردنێ ئەڕا ماڵ خوێان و ڕێ خودا درستر یاێ دان.

کاریل ڕەسولەیل 19:9

وەلێ بڕێگیان کەلەڕەقی کردیان و نەچیانه ژێر بار و ئیمان ناوردیان و وه نوای مەردمەگه، وه ئی ڕێه خراو وەتیان. جا پولوس له لێان دویرەو گرد و شاگردیلێ وەگەرد خوەێ برد، هەر چی ڕوژه وه تالار تیرانوس خەریک قسیه و باس بی.

کاریل ڕەسولەیل 22:4

من ئەوانه که کەفتوینه شون ئی ڕێه تا سەر حەد مردن عەزاوێان دیام و چ پیا و چ ژن دەسگیر کردیام و خستیامیانه زندان.

کاریل ڕەسولەیل 24:14

وەلێ له لاێ ئیوه ئێقرار کەم که وه پێ ڕێ رەوشتی که ئیانه ئویشنه پێ ’فرقەێ تازه‘، خوداێ باپیریلمان پەرەسش کەم. وه هەر چی که وەناو تەورات و کتاویل پەێخەمەریل نویسریاس، باوەڕ دێرم.

رومیەگان 2:24

چوینکه هەر ئەوجورە که وەناو کتاو پەێخەمەریل نویسریاس: «وەبونەێ ئیوه، لەناو ناجویلەکەیل وه ناو خودا کفر کەن.»

یەکم نامەێ تیموتاوس 5:14

جا باوەڕم ئیەسه که بێوه ژنیل جوانتر شوی بکەن و مناڵ بارن و بونه ماڵداریکەر و دەرفەت خراو وەتن وه دشمەن نیەن.

تیتوس 2:5

وەسەرخوێان زاڵ بون و داوان‎پاک و ماڵداریکەر و مێرەبان بون و له شویەگەێان گوش بتەکنن تا کەسێگ نەتویەنێ له کەڵام خودا خراو بویشی.

تیتوس 2:8

قسیەیلد ئەوقره درس بود که کەسێگ نەتویەنێ ماکومێ بکێد، تا دشمەن دەرفەت خراو وەتن له باوەت ئیمه پەێا نەکێ و ئیجوره شەرمزار بود.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

دویم پتروس 2:21

چوینکه ئەڕا ئەوانه خاستر بی که هویچ وەخت ڕێ سالح بوین نیەناسیان، تا ئیەک وه شون ناسینێ، له حوکم موقەدەسیگ که سپاریاسه پێان، هەڵوگەردن.

دویم پتروس 2:7

و ئەگەر لوت سالحان که له ڕێ رەوشت هەرزەیی ئەو ئایەمیله شەڕئاشوه فره پەشێو بوی ڕزگار کرد،

یەهودا 1:10

وەلێ ئی ئایەمیله وه گشت ئەو چشتیله که نیەفامن خراو دەن و گشت ئەو چشتیلی که جور گیانەوەریل بێ فام، له ڕوی سریشت فامن، هەر ئەوەیشه بوده سەوەو له بین چیێنیان.

یەهودا 1:15

تا وه مل گشتیەکی داوەری بکێد و گشت خودانەناسیل وه سەوەو گشت کاریل خودانەناسانێان که له خودانەناسی کردنه، ماکوم بکێد. هەرئیجوره وه بونه گشت قسیەيل گەنێگ که گوناکاریل خودانەناس وه زد خودا وەتنه، ماکوم بکێد.»

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

یەهودا 1:7

هەر ئیجوره، شاریل سودوم و عەموره و شاریل دوروەور، که هەر جور ئەوانه خیزی کردن و کەفتنه شون هەوەسبازییلێگ که ئەڕا جەسه سریشتی نوی، وه کەفتن وه ژێر موجازات ئاگر ئەبەدی، بینه دەرس عبرەتێگ.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.