دویم پتروس 2:13 - کتاب مقدس به زبان کردی جنوبی - گویش کلهوری

¹³ له جێ ئەو خراویه که کردنه، خراوی دوینن. خوەشنودیان ئیەسه له ڕوژ ڕوشن شاوەت هەواوهەوەسیل خوێان وه جێ بارن. ئەوانه لەکەیل نەنگیگن که تەنانەت وەختێ له ناو جەشن هانەگەرددان، له فێڵێل خوێان کەیف کەن.

دویم پتروس 2:13 ပူးပေါင်းရင်းမြစ်များ

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

ئەفسوسیێل 5:27

تا کلیسا وەگەرد ئەو شکویگ که دێرێ بارێده لاێ خوەێ، بی هویچ لەک یا لویچ یا هەر نەخسێگ تر، تا کلیسا موقەدەس و بی نەخس بود.

نامەێ فیلیپییل 3:19

ئاخر ئەوانه له بین چینه. خوداێ ئەوانه زگێانه و وه چشتیل نەنگ هاوەرێان شانازی کەن و فکریلێان ها بان چشتیلێگ که هن زەوین.

دویم تیموتاوس 4:14

ئەسکەنەر مسگەر، وەگەردمەو فره خراوییل کرد. خوداوەند سزاێ کارەگانێ دێ.

یاقوب 5:5

ئیوه له بان زەوی وەناو دەوڵەمەنی و عیش و نوش زنەیی کردینه و دڵیلدان ئەڕاێ ڕوژ سەر بڕین پەروار کردينه!

یەکم پتروس 4:4

وه ئی بونه، وەختێ که وەناو ئی بی بەن و باریەل بی حساو وەگەرد ئەوانه هاوبەش نیەوین، سەریان سڕ مەنیه و دژمین دەنه پێدان.

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

وەحی وه یوحەنا 18:6

هەرئەوجوره له جاێ بێەنێ پێ که ئەوه خوەێ داسه ئەو باقی مەردم؛ ئەڕا کارەگانێ، دو ئەوقره له جاێ بێەنێ پێ. وەناو پیاڵەێ شراوێ که خوەێ درس کردێه دو ئەوقره له جاێ بێەنێ پێ.