دویم پتروس 1:5 - کتاب مقدس به زبان کردی جنوبی - گویش کلهوری

⁵ وه ئی بونه، حساوی تەقالا بکەن تا وه مل ئیماندان خاسێ فرەوه بکێن و وه مل خاسێ، ناسین

دویم پتروس 1:5 ပူးပေါင်းရင်းမြစ်များ

لوقا 16:26

تازه بێجگه ئیه، گڵاڵ گەوراێگ ها بین ئیمه و ئیوه؛ ئەوانه که بتوان وه ئیرەوە بانه ئەڕا لاێ تو نیەتویەنن و ئەوانیش که هانه ئەوره نیەتویەنن بانه ئەڕا لاێ ئیمه.“

لوقا 24:21

وەلێ ئیمه وەپێ ئمید داشتیم که هەر ئەوەسه که باێه قەوم ئێسرائیل ڕزگار بکێدن. بێجگه ئیه ئێرنگه سێ ڕوژه وه ئی هەڵکەفته گوزیشتێه.

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

ئەفسوسیێل 5:17

جا گیلگەوج نەون، بەڵکەم بزانن که خاست خوداوەند چەس.

نامەێ فیلیپییل 1:9

دوعای مه ئیەسه که مابەتدان فره فرەوه بود و وەگەرد ناسین و فام کامڵێگەو هاوڕێ بود،

نامەێ فیلیپییل 2:12

جا ئێ عەزیزەیلم، هەر ئەوجورە که هەمویشه گوش تەکانینه، ئێرنگەیش نه تەنیا وەختێگ که هامه لادان، بەڵکەم فره فرەتر وەختێ له لادان نیم، نجات خوەدان وه ترس و لەرزەو بگرنه کار؛

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

نامه وه کولوسییل 1:9

وه ئی بونه، له ڕوژیگ که ئیه شنەفتیم، له دوعا کردن ئەڕادان نەوسایمەسەو، بەڵکەم له خودا توایم که ئیوه له ناسین خاست ئەیو وەناو هەر زانیاری و فام روحانی، پڕەو بوین

نامه وه کولوسییل 2:3

هەر ئەو مەسیحه که گشت خەزانەیل زانیاری و ماریفەت وەناو ئەیو شاریاسەو.

عبرانییل 11:6

بی ئیمان مەحاڵ کەسێگ بتویەنێ خودا خوەشنودەو بکێ، چوینکه هەر کەسێگ وه خودا نزیکەو بود، باێه ئیمان بیاشتود که ئەیو هەس و ئیه که دەسخوەشانه دەێده کەسیلێگ که وەشونیەو گەردن.

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

عبرانییل 6:11

تاسەێ ئیمه ئیەسه که هەر کامدان هەر ئی غیرەته تا وه ئاخر نیشان بێین تا ئمیددان وه تەمامی وه دی باێ،

یەکم پتروس 3:7

هەر وه ئیجور، ئیوەیش ئێ شوییل، وەناو زنەیی وەگەرد هاوسەریلدان دەرکێان بکێن و حرمەتیان بگرن جورێگ که چماێ ئەوانه دەفریل نازکیگن، ئەڕا ئیه که وەناو فیز ژیان وەگەرددانەو هاومیراتین، تا نوای دوعایلدان نەگرید.

دویم پتروس 1:10

جا ئێ برایل، هەر چی فرەتر تەقالا بکەن تا دەنگ کریان و هەڵوژاریای خوەدان مور بکێن، ئەڕا ئیه که ئەگەر ئی چشتیله وه جێ بارین هەرگز نیەکەفین.

دویم پتروس 1:11

ئەڕا ئیه که وەئیجوره، ئجازەێ کامڵ درێیده پێدان تا بچینه ناو پادشاێ ئەبەدی خوداوەندمان و نجات دەرمان عیسا مەسیح.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.