دویم پتروس 1:4 - کتاب مقدس به زبان کردی جنوبی - گویش کلهوری

⁴ ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

دویم پتروس 1:4 ပူးပေါင်းရင်းမြစ်များ

رومیەگان 9:4

ئەوانه ئێسرائیلین و وه ڕوڵه قەبوڵ بین هن ئەوانەسه، جەڵاڵ و پەێمانیل هن ئەوانەسه، شەریعەت دریاسه ئەوانه، پەرەسش و وادەیل هن ئەوانەسه؛

دویم قورنتییل 1:20

چوینکه گشت وادەیل خودا وەناو مەسیح ’ئەرێه‘ و وەئی بونه وەناو ئەوەسه که ئیمه ’ئامین‘ وه زوان تیەرێم، تا خودا جەڵاڵ پەێا بکێ.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

دویم قورنتییل 6:17

جا، خوداوەند فەرمایش کێ: «له ناوێان بچنه دەیشت و جیاوه بون. دەسه قێ هویچ چشت ناپاکێگ مەێه‌ن جا مه قەبوڵدان کەم.»

نامه وە غەلاتییل 3:16

ئیسه، وادەگان وه ئێبراهیم و نەتەوەێ دریاد. نیویشی «وه نەتەوەیل،» ئەوجورە که له باوەت قێر فرەێگەو بود، بەڵکەم ئویشێ «وه نەتەوەێ توی،» که مەبەست یە نەفەره یانێ مەسیح.

نامه وە غەلاتییل 6:8

کەسێگ که ئەڕا جەسەێ خوەێ بکاڵێد، له جەسەوه گەنیان درەو کەی؛ وەلێ کەسێگ که ئەڕا روح خودا بکاڵێ، له روح خودا زنەیی ئەبەدی درەو کەی.

ئەفسوسیێل 4:13

تا وەختێ که گشتمان وه یەکەو بوین ئیمان دەس پەێا بکێمن و هەر ئیجوره وه یەکەو بوین ناسین کوڕ خودا، تا چەنه ئایەمێگ کامڵ گەورا بویمن، تا چەنه پڕی باڵای مەسیح گەورا بویمن.

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

عبرانییل 12:10

چوینکه باوگیلمان ماوەێ کەمێگ ئەو جوره که خاس زانستنه ئەدەومان کردن. وەلێ خودا ئەڕا نەف خوەمان ئەدەومان کەید تا وەناو قودوسیەت ئەیو بەشدارەو بویمن.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

دویم پتروس 3:13

وەلێ ئیمه بەنا وه وادەێ ئەیو چەوەڕێ ئاسمانیلێگ تازه و زەوی تازەێگیمن که سالح بوین وه ناوێ نیشتەجێه.

دویم پتروس 3:9

وه پێچەوانەێ گومان بڕێگ، خوداوەند له وه جێ هاوردن وادەێ خوەێ ماتەڵی نیەکەێد، بەڵکەم وه سەور تاموڵدان کەێد، چوینکه نیەتواید کەسێگ له بین بچود بەڵکەم تواید گشت‎یەکی ڕوی بارنه توبه.

یەکم یوحەنا 2:25

ئیەسه وادەێ که ئەیو دا پێمان، یانێ زنەیی ئەبەدی.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.