دویم پتروس 1:17 - کتاب مقدس به زبان کردی جنوبی - گویش کلهوری

¹⁷ چوینکه وەختێ که ئەیو له خوداێ باوگ، حرمەت و جەڵاڵ گرد و دەنگێگ له جەڵاڵ گەورایی رەسیه ئەیو که، «ئیەسه کوڕه عەزیزەگەم که له لێ فره خوەشنودم.»

دویم پتروس 1:17 ပူးပေါင်းရင်းမြစ်များ

ئنجیل مەتا 12:18

«ئیەسه خزمەتکارەگەم که هەڵیوژاردمه، ئەیو عەزیزمه که گیانم له لێ خوەشنوده. روح خوەم نەمه ملێەو، ئەیویش دادپەروەری وه قەومیل جار دەێ.

ئنجیل مەتا 17:3

وه ئی وەخته، وه ئەوره موسای پەێخەمەر و ئەلیاس پەێخەمەر وه ئەوانه ئاشکرا بین و وەگەرد عیسا نیشتنه قسیه و باس کردن.

ئنجیل مەتا 17:5

هێمراێ پتروس داشت قسیه کردیا که لەناکاوا هەوریگ درەوشیاێ ساێەڕ خسته ملێان و دەنگێگ وەناو هەورگەوه هات که: «ئیەسه کوڕه عەزیزەگەم که له لێ فره خوەشنودم، گوش بێەنه لێ.»

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

ئنجیل مەتا 3:17

ئمجا دەنگێگ وه ئاسمان هات که: «ئیه کوڕه عەزیزەگەمه که فره له لێ خوەشنودم.»

مەرقوس 1:11

دەنگیگیش وه ئاسمان هات که: «توێ کوڕه عەزیزەگەێ منی، فره لەلێد خوەشنودم.»

مەرقوس 9:7

ئمجا هەوریگ ساێەڕ خسته ملێان و دەنگێگ وەناو هەورگەوه هات، «ئیەسه کوڕه عەزیزەگەم، گوش بێەنه لێ.»

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

لوقا 3:22

روح‌القودوس جور کەموتەرێگ وه لێ ئارەسه بی، دەنگیگیش له ئاسمانەو هات و وەت «تو کوڕه عەزیزەگەێ منی، فره لەلێد خوەشنودم.»

یوحەنا 10:15

هەر ئەوجورە که باوگ ئاسمانی ناسێدەم و منیش باوگ ناسم. من گیانم ئەڕا پەسەگان دەم.

یوحەنا 10:36

جا چوینه مه که باوگ ئاسمانی تەقدیسم کرد و کل کرده ئی جهانه، ئویشین ”کفر کەی،“ وەبونەێ ئیه که وەتم مه ”کوڕ خودام“؟

یوحەنا 14:11

باوەڕ وەپێم بکێن که مه هامه ناو باوگ و باوگیش ها ناو مه؛ ئەگەر نه وەبونەێ ئەو کاريله باوەڕ بکێن.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

یوحەنا 20:17

عیسا وەپێ وەت: «دەس مەێه قێمەو، چوینکه هێمراێ ئەڕا لاێ باوگ ئاسمانی بەرزەو نویمه. وەلێ بچوه ئەڕا لاێ براگانم و وەپێان بویش مه بەرزەو بومه ئەڕا لاێ باوگ خوەم و باوگ ئیوه، ئەڕا لاێ خوداێ خوەم و خوداێ ئیوه.»

یوحەنا 3:35

باوگ ئاسمانی، دوس کوڕ دێرێ و گشت چشتێ سپاردێەسه دەسێ.

یوحەنا 5:20

چوینکه باوگ کوڕ دوس دێرێ و گشت کاریلێ که خوەێ کەی وەپێ نیشان دەێ. کاریل له ئیانه گەوراتریش نیشانی دەێ تا ئەڵاجویدان باێ.

یوحەنا 5:26

چوینکه هەر ئەوجورە که باوگ وەناو خوەێ زنەیی دێرێ، وه کوڕیش بەخشیه تا کوڕیش وەناو خوەێ زنەیی بیاشتود،

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

یوحەنا 6:39

خاست ئەیو که کلم کرد ئیەسه که هویچ کام له ئەوانه که وەپێم بەخشیه له دەس نیەم، بەڵکەم له ڕوژ ئاخر زنیانەو بکەم.

رومیەگان 15:6

تا یەدڵ و یەزوان، خودا یانێ باوگ خوداوەندمان عیسا مەسیح ستایش بکێن.

دویم قورنتییل 1:3

پڕ بمارکه خودا، باوگ خوداوەندمان عیسا مەسیح، که باوگ بەزەیێل و خوداێ گشت دڵنەواییله؛

دویم قورنتییل 11:31

خودا، باوگ خوداوەند عیسا، که وه ئەیو تا ئەبەد بەرەکەت بود، زانی که درو نیویشم.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

دویم یوحەنا 1:3

فیز و بەزەیی و ئاشتی و سڵامەتی له لاێ خوداێ باوگ و له لاێ عیساێ مەسیح، کوڕ ئەو باوگه، وەناو ڕاسی و مابەت وەگەردمانەو مینێد.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه: