دویم پتروس 1:16 - کتاب مقدس به زبان کردی جنوبی - گویش کلهوری

¹⁶ چوینکه ئەو وەخته که هێز و هاتن خوداوەندمان عیسا مەسیح وه پێدان جار دیایم، وه شون مەسلەتیلێگ که وە زیرکیەو درس کریانه نەچویمن، بەڵکەم گەورایی ئەیو وه چەو دویمن.

دویم پتروس 1:16 ပူးပေါင်းရင်းမြစ်များ

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

ئنجیل مەتا 17:1

وەشون شەش ڕوژ، عیسا، پتروس و یاقوب و یوحەناێ براێ وەگەرد خوەێ برد ئەڕا بان کویەێ بەرزێگ تا وه ئەوره تەنیا بون.

ئنجیل مەتا 24:27

چوینکه هەر ئەو جوره که هەورەتریقه وه ڕوژهەڵاتەو دیار دەێ و تا ڕوژئاوا ڕوشناوه کەی، هاتن کوڕ ئنسانیش هەر ئیجوره بود.

ئنجیل مەتا 24:3

وەختێ وەبان کویەێ زیتون دانیشتوی، شاگردەگانێ وه تەنیایی هاتنه ئەڕا لاێ، وەتن: «وەپێمان بویش ئی هەڵکەفتیله کەی ڕوی دەێد و نیشانەێ هاتند و ئاخر ئی دەوره چەس؟»

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

مەرقوس 13:26

ئەو وەخته مەردم کوڕ ئنسان دوینن که وه هێز و جەڵاڵ گەوراێگ وەناو هەوریلەو تێی.

مەرقوس 14:62

عیسا وەپێ وەت: «من ئەوەم، کوڕ ئنسانیش دوینین که وه دەس ڕاس خوداێ تویەنا نیشتیه و وەگەرد هەوریل ئاسمانەو تێی.»

لوقا 1:2

درس هەر ئەوجورە که ئەوانه که له سەرەتاوه وه چەو خوێان شاێەت بینه و خزمەتکاریل کەڵام بینه، وه ئیمه سپاردنه،

لوقا 9:43

مەردم گشتێ وه گەورایی خودا سەریان سڕ مەنوی. هەر ئەو وەخته که گشت مەردم وه کاریل عیسا تاجو کردیان، عیسا وه شاگردیلی وەت:

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 17:2

چوینکه تو دەسڵات گشت ئنسانیل سپاردێەسه دەسێ تا وه گشت کەسیلێ که تو وەپێ بەخشایده زنەیی ئەبەدی بێی.

رومیەگان 1:4

وەگەرد زنیەو بوینی له ناو مردگیل، وه پێ روح قودوسیەت، وەناو هێز، جار دریاد که کوڕ خوداس، یانێ خوداوەندمان عیسا مەسیح.

یەکم قورنتییل 1:17

چوینکه مەسیح مه کل نەکرد تا تەعمید بێەم بەڵکەم تا مزگانی بێەم، وەلێ نه وه قسیەیل زیرەکانه و له ڕوی زانیاری، نەخواێ هێز سەلیب مەسیح پویچەو بود.

یەکم قورنتییل 1:23

وەلێ ئیمه مەسیح وه سەلیب کیشریای بانگەوازی کەیمن که ئەڕا جویلەکەیل کوچگیگه که بوده بایس کەفتنێان و ئەڕا ناجویلەکەیل گیلگەوجیه،

یەکم قورنتییل 1:7

وه لەونی که ئیوه له هویچ خەڵاتیێگ بی نسیو نين، هەر وەئەو حاڵه که چەوەڕێ ئاشکرا بوین خوداوەندمان عیسا مەسیحین.

یەکم قورنتییل 2:1

منیش ئێ برایل، وەختێ که هاتمه ئەڕا لادان، وەگەرد قسیەیل گەورا گەورا و زانیاری ئنسانی ناتم تا راز خودا وەپێدان جار بێەم.

یەکم قورنتییل 2:4

جا وتار و پێخامم وەگەرد کەلیمەیل قانێکەر زانیارانەێ جهان نەوەتم، بەڵکەم وەگەرد مدویل روح خودا و هێز خودا وەتمەێ،

یەکم قورنتییل 5:4

وەختێ وه ناو خوداوەند عیسا گردەو بوین و منیش وه روح هامه ئەوره، وه هێز خوداوەندمان عیسا،

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

نامەێ فیلیپییل 3:21

ئەیو وه هێزێ که تویەناێ ئەوه دەێەپێ تا گشت چشتێگ وه فەرمان خوەێ دەر بارێد، جەسەێ سوکمان که له بین چود گویڕنیدەو تا وه شێوەێ جەسەێ پڕ جەڵاڵ ئەیو دەر باێ.

یەکم تسالونیکییل 2:19

چوینکه چەس ئمید یا خوەشی یا تاج شانازی ئیمه له نوای خوداوەندمان عیسا له وەخت هاتنێ؟ مەر ئیوه نیين؟

دویم تسالونیکییل 2:9

هاتن ئەو بی دینه له ڕێ کار شەیتان، ها گەرد گشت هێز و نیشانەیل و موجزەیل دروەکانی،

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

یەکم نامەێ تیموتاوس 4:7

توی وه مەسلەتیل پویچ و هامیته وه کفر و حکایەتیل کێوانویل کارد نود، بەڵکەم خوەد له خوداپەرەسی تەربیەت بکه.

تیتوس 1:14

وه مەسلەتیل جویلەکە و حوکمیل مەردمی که له ڕاسی هەڵوگەردیانه، گوش نەتەکنن.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.

یەهودا 1:14

خەنوخ، که هەفتمین پشت ئایەم بی، له باوەت ئیانه پێشگویی کرد و وەت: «بنوڕن، خوداوەند وەگەرد هەزاریل هەزار له موقەدەسیل خوەێ تێد،

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.