دویم قورنتییل 9:8 - کتاب مقدس به زبان کردی جنوبی - گویش کلهوری

⁸ جا خودا تویەنێ هەر نیمەتیگ ئەڕادان فرەوه بکێ تا وه گشت چشتێگ ئەڕا هەمویشه گشت هەوەجێیلدان بەراورده بکێ و ئەڕا وەجێ هاوردن هەر کار خاسێگ، وه فراوانی بیاشتوین.

دویم قورنتییل 9:8 ပူးပေါင်းရင်းမြစ်များ

کاریل ڕەسولەیل 9:36

وەناو شار یافا شاگردێگ زنەیی کردیا ناوێ تابیتا بی، که وه یونانی بوده دورکاس که وه ماناێ ئاسکه. ئی ژنه هەمویشه خەریک کاریل خاس و مەێەت داین وه کەمدەسیل بی.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

دویم قورنتییل 13:3

چوینکه ئیوه هاینه شون مدوێگ وه ئیه که مەسیح وه وەسلەێ منەو قسیه کێ. ئەیو وه نوادان بی هاز نیه، بەڵکەم وەناودان تویەناس.

دویم قورنتییل 8:19

بێجگه ئیه، ئەوه له لاێ کلیسایل هەڵوژاریاس تا هاوڕێمان بود و ئی کار خێره ئەڕا جەڵاڵ خودا و نیشان داین خێرخوازیمان وەجێ بارێد.

دویم قورنتییل 8:2

چوینکه ئەوانه وەبونەێ بەردیل سەختێگ ئەزمون بویان، هەرچەن فره دەستەنگن وەلێ له خوەشی فره پڕەو بینه و ئی خوەشیه بیەسه بایس دەسدڵوازی بی ئەنازەیان.

دویم قورنتییل 8:7

وەلێ هەر ئەوجورە که وەناو گشت چشتێگ سەرترین - وەناو ئیمان، وەناو قسیه کردن، وەناو ماریفەت، وەناو تاسەێ فره، وەناو مابەتدان وه ئیمه - جا وەناو ئی کار خێریشه بێەنه نوای یەکانەو.

دویم قورنتییل 9:11

ئیوه له هەر باوەتێگەو دەوڵەمەنەو بوین تا له هەر باوەتێگەو بەخشنه بوین، جا ئی بەخشنەێدانه له ڕێ ئیمه بوده بایس سپاس خودا.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 3:20

ئێرنگه جەڵاڵ ئەڕا خوداێگ بود که تویەنێ وه پێ ئەو هێزه که وەناو ئیمه کار کەی، فره فرەتر له هەر چی بتوایم یا باریمنه وەر چەومان، کار بکێ.

نامەێ فیلیپییل 4:11

ئیه له سەر هەوەجی نیویشم، چوینکه یاێ گردمه که له هەر وەزوحالێگ باێه قانێ بوم.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.

دویم تیموتاوس 2:21

جا هەر کەسێگ خوەێ له چشتیل ناپەسەن پاک بپارێزنێد، دەفرێگه که وه دەرد کاریل خاس خوێد، دەفرێگ پاک و وه ‎دەرد خوەر ئەڕا خاون ماڵ و گورج ئەڕا هەر کار خاسێگ.

دویم تیموتاوس 3:17

تا پیاێ خودا وه کەماڵ ئەڕا هەر کار خاسێگ گورجەو بود.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

یەکم پتروس 4:10

هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.