دویم قورنتییل 9:6 - کتاب مقدس به زبان کردی جنوبی - گویش کلهوری

⁶ قسیه ها سەر ئیه که: هەر کەس کەم بکاڵێ، کەمیش درەو کێ و هەر کەس فره بکاڵێ، فرەیش درەو کێ.

دویم قورنتییل 9:6 ပူးပေါင်းရင်းမြစ်များ

لوقا 6:38

بێین تا وەپێدان بیەرێید. پەێمانەێگ پڕ، تەپیاێ، تەکان دریاێ و سەرڕێژ ڕشێیده داواندان! چوینکه وەگەرد هەر پەێمانەێگ که بێین، وەگەرد هەر ئەو پەێمانه درێیده پێدان.»

یەکم قورنتییل 1:12

مەبەستم ئیەسه که یەکیگدان ئویشێ، «من کەفتمەسە شون پولوس»؛ یەکیگتر ئویشێ، «من کەفتمەسە شون ئاپولوس»؛ یەکیگ ئویشێ، «من کەفتمەسە شون کیفا»؛ و یەکیگتر، که «من کەفتمەسە شون مەسیح.»

یەکم قورنتییل 15:20

وەلێ مەسیح وه ڕاسی له مردگیل زنیەو بیه و نەوبەر کەسیلێگه که له ناو مردگیل زنیەو کریاس.

یەکم قورنتییل 7:29

برایل، مەبەستم ئیەسه وەخت کەمه. له ئیەودویا، تەنانەت ئەوانه که ژن دێرن جوری زنەیی بکەن که چماێ ژن نێرن و

دویم قورنتییل 9:10

جا ئەوه که تویەمەگه ئەڕا جفتیار و نان ئەڕا خواردن گورجەو کێ، تویەمەگەدان گورجەو کردێه و فرەوه کێ و بەر سالح بویندان فرەوه کێ.

دویم قورنتییل 9:5

جا واجو زانستم که له برایل بتوام وەرجه من بانه ئەڕا لادان و هدیەیلی که واده داوین گورجێەو بکەن. تا جور هدیەێگ بود که دیاره وه گێ دڵیگ داینه نه وه زور.

نامه وە غەلاتییل 3:17

قسیەێ مه ئیەسه: ئەو شەریعەته که لەشون چوار سەد و سی ساڵ هات، پەێمانێگ که خودا وەرجه ئەوه بەساوی بەتاڵێەو نیەکێ، وه لەونی که وادەگه پویچەو بکێ.

نامه وە غەلاتییل 5:16

وەلێ مه ئویشم وه روح خودا زنەیی بکێن که ئاوەختیێل جەسه وه جێ نیەتێەرین.

ئەفسوسیێل 4:17

ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.