دویم قورنتییل 8:3 - کتاب مقدس به زبان کردی جنوبی - گویش کلهوری

³ ئەڕا ئیه که چەنه تویەنایی خوێان - خوەم شاێەتم که ئەوانه تەنانەت فرەتر له ئەوه - مەێەت مەردم دەن،

دویم قورنتییل 8:3 ပူးပေါင်းရင်းမြစ်များ

مەرقوس 14:8

ئی ژنه هەر چی وه دەسێ هات، کرد. ئەوه وەگەرد ئی کاره، جەسەێ مه ئەڕا وەرجه وه قەور ناین، ئەتر ماڵی کرد.

کاریل ڕەسولەیل 11:29

جا شاگردیل تواسن هەر کامێان چەنه تویەناێ خوێان، مەیەتی کل بکەن ئەڕا برایلێگ که نیشتەجێ یەهودیەن.

رومیەگان 10:2

چوینکه شاێەتی ئەڕاێان دەم که ئەڕا خودا غیرەت دێرن، وەلێ ئی غیرەته له ڕوی ماریفەت نیه.

یەکم قورنتییل 16:2

یەکمین ڕوژ هەر هەفته، هەر کامدان وه پێ پویلی که دەر تیەرێ قێرێگێ بنێده لا، بخیدەێ پشت دەس، تا وەختێ هاتمه ئەڕا لادان، هەوەجی وه گردە‎و کردن هدیەیل نود.

یەکم قورنتییل 9:17

چوینکه ئەگەر وه خاست خوەم ئی کاره بکردیام، دەسخوەشانەێگ داشتیام؛ وەلێ ئەگەر وه خاست خوەم نود، تەنیا ئەو چشته که ها کوڵمەو وه جێ تیەرم.

نامه وە غەلاتییل 4:15

جا چه هاتیەسه سەر ئەو ئەزرەتدانه؟ چوینکه تویەنم شاێەتی بێەم که ئەگەر بتوانستیاین، چەویلدانیش دەر هاوردیاین و دیاینی پێم.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.

نامه وه کولوسییل 4:13

چوینکه مه شاێەتم که ئەوه ئەڕا ئیوه و ئەوانه که هانه شاریل لائودیکیه و هیراپولیس، چەنێ فره زامەت کیشاس.

یەکم تسالونیکییل 2:8

ئەوقره خوەشمانه لێدان هات که گورجەو بیمن نه تەنیا ئینجیل خودا وەپێدان برەسنیم، بەڵکەم گیانمانیش له ڕێ ئیوه بێیم، وەبونەێ ئیه که ئیوه ئەڕامان فره عەزیزەو بوین.

نامه وه فیلیمون 1:14

وەلێ نەتواسم کارێگ کردویم بی ئیه که توی قەبوڵ بکێد، تا خاسێ کردنێد وه گێ دڵیگ بود، نه که وادارد بکەم.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

یەکم پتروس 5:2

ریەنەگەێ خودا که هانه ناودان شوانی بکەن و هێوەتێان بکەن، وەلێ نه وه زور بەڵکەم وه مەیل و دڵ خوەدان، ئەوجورە که خودا تواێ؛ نه وه تەمای نەف خوەدان بەڵکەم له ڕوی شوق و زوق.