دویم قورنتییل 8:23 - کتاب مقدس به زبان کردی جنوبی - گویش کلهوری

²³ له باوەت تیتوس، باێه بویشم که له خزمەت مه ئەڕا ئیوه هاوبەش و هاوکار منه؛ هەرئیجوره له باوەت برایلمانیش باێه بویشم که کل کریاێەگان کلیسایل و جەڵاڵ مەسیحن.

دویم قورنتییل 8:23 ပူးပေါင်းရင်းမြစ်များ

لوقا 5:10

یاقوب و یوحەنا، کوڕیل زبدییش، که هاوکار شەمعون بین، هەر ئی حاڵه داشتن. عیسا وه شەمعون وەت: «زاوردنەچو، وەیولا مەردم ڕاو کەێد.»

لوقا 5:7

جا وه ئێشاره وه هاوکارەگانێ که وەناو ئەو قایقەگه بین وەتن تا بانه مەیەتیان. ئەوانیش هاتن و هەر دو قایقەگه ئەوقره وه ماسی پڕ کردن که چشتێ نەمەنوی بچنه ژێر ئاو.

یوحەنا 13:16

وه ڕاسی، وه ڕاسی، وەپێدان ئویشم، نه خزمەتکار له ئەرواو خوەێ گەوراتره، نه ئەوه که کل کریاس له ئەوه که کلی کردێه گەوراتره.

یەکم قورنتییل 11:7

ئەڕا ئیه که پیا نەبایه سەر خوەێ داپوشنێ، چوینکه ئەو وێنه و جەڵاڵ خوداس؛ وەلێ ژن، جەڵاڵ پیاس.

دویم قورنتییل 12:18

مه له تیتوس تواسم تا باێه ئەڕا لادان و براگەمانیش وەگەردیەو کل کردم. ئێ تیتوس لەلێدان سودجویی کردێه؟ ئێ ئیمەیش هەر وه ئی ڕێ رەوشته زنەیی نەکردیم و هەر ئی کاره نەگردیمنه وەر؟

دویم قورنتییل 7:6

وەلێ خودا، که دڵنەوایی مات ‎و مەلولیل کێ، وەگەرد هاتن تیتوس دڵنەواییمان کرد و

دویم قورنتییل 8:16

وەلێ سپاس ئەڕا خودا که هەر ئەو ئەزرەتە ناسه دڵ تیتوس که من ئەڕا ئیوه دێرم.

دویم قورنتییل 8:18

وەگەردیەو براێگ کل کیم ئەڕا لادان که وەبونەێ خزمەتی وه ئینجیل گشت کلیسایل تاریفەلێ کەن.

دویم قورنتییل 8:19

بێجگه ئیه، ئەوه له لاێ کلیسایل هەڵوژاریاس تا هاوڕێمان بود و ئی کار خێره ئەڕا جەڵاڵ خودا و نیشان داین خێرخوازیمان وەجێ بارێد.

دویم قورنتییل 8:22

وەگەرد ئەوانه براگەمانیش کل کیم، که چەن جار ئەزمونێ کردیم و دیمن که وەناو فره له کاریل وه ئەزرەتترە، وەلێ ئێرنگه وەبونەێ دڵنیایی فره وه ئیوه، وه ئەزرەتتر له هەمویشەس.

دویم قورنتییل 8:6

وه ئی بونه، له تیتوس تواسیم هەر ئەوجورە که ئی کار خیر دەسدڵوازانه وەناودان شرو کردوی، تا وه ئاخر بویدێ سەر.

نامەێ فیلیپییل 2:25

ئیجوره فکر کردمه که واجوه تا ئپافرودیتوس کلەو بکەمه ئەڕا لادان، ئەوه له یەێ لا برا و هاوکار و هاورەزم خوەمه و له لاێگترەو، کل کریاێ و خزمەتکاردانه ئەڕا سەرسامان داین هەوەجیێلم.

نامەێ فیلیپییل 4:3

ئەرێ، له تنیش ئێ هاوکار ڕاسەکانی، له لێد توام که ئی دوگله ژنه مەیەت بێید، چوینکه وەگەرد ئەکلیمنتوس و ئەو باقی هاوکارەگانم که ناوێان وەناو دەفتەر زنەیی نویسریاس، شان وه شان مه ئەڕا کار ئینجیل زامەت کیشانه.

نامه وه کولوسییل 1:7

هەر ئەوجورە که ئەوه له هاوخزمەت عەزیزمان، ئەپافراس یاێ گردین. ئەوه له لاێ ئیوه خزمەتکار وەفادار مەسیحه و

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

دویم تیموتاوس 4:10

چوینکه دیماس وه بونەێ دوس داشتن ئی جهانه وێڵم کردێه و چیەسه ئەڕا شار تسالونیکی. کریسکیس وەرەو شار غەلاتیه و تیتوسیش چیەسه ئەڕا شار دەلماتیه.

تیتوس 1:4

وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.

نامه وه فیلیمون 1:17

جا ئەگەر مه وه دوس خود زانید، ئەوه هەر ئەوجورە قەبوڵ بکه که چماێ مه قەبوڵ کەید.

نامه وه فیلیمون 1:24

هەر ئیجوره هاوکارەگانم، مەرقوس، ئاریستارخوس، دیماس و لوقا سڵامد رەسنن.

سێیەم یوحەنا 1:8

جا ئیمه باێه پشت ئیجور کەسیله بگریمن تا وەگەردێانەو ئەڕا وەنوا بردن ڕاسی هاوکاری کردویمن.