دویم قورنتییل 8:10 - کتاب مقدس به زبان کردی جنوبی - گویش کلهوری

¹⁰ جا له ئی باوەته باوەڕ خوەم ئویشم، چوینکه ئەڕادان سودمەنه: پارەکه نه تەنیا خوەشدان هاتیاد مەیەت مەردم بێین، بەڵکەم ئی کاره کردین.

دویم قورنتییل 8:10 ပူးပေါင်းရင်းမြစ်များ

ئنجیل مەتا 10:42

هەر کەس وه یەکی له ئی بویچگیله، وەبونەێ ئیه که شاگرد منن، تەنانەت جامی ئاو سەرد بیده دەسێانەو وه ڕاسی، وەپێدان ئویشم، بی دەسخوەشانه نیەمینێ.»

یوحەنا 11:50

نیەفامین که ئیه ئەڕادان خاستره که یەێ نەفەر ئەڕا قەوم بمرێ، تا ئیه که گشت ملەتەگه نابود بون.»

یوحەنا 16:7

وی حاڵەو ڕاسێه پێدان ئویشم که چیێنم وه نەفدانه. چوینکه ئەگەر نەچم، ئەو پشتیوانه نیەتێدە ئەڕا لادان؛ وەلێ ئەگەر بچم کلی کەمه ئەڕا لادان.

یوحەنا 18:14

قیافا هەر ئەوه بی که وه جویلەکەیل پێشنیار کردوی؛ خاستر ئیەسه یەێ نەفەر ئەڕا قەوم بمرێ.

یەکم قورنتییل 10:23

«گشت چشتێگ ڕەواس» - وەلێ گشت چشتێگ فایده نێری. «گشت چشتێگ ڕەواس» - وەلێ گشت چشتێگ بنیادنەر نیه.

یەکم قورنتییل 16:2

یەکمین ڕوژ هەر هەفته، هەر کامدان وه پێ پویلی که دەر تیەرێ قێرێگێ بنێده لا، بخیدەێ پشت دەس، تا وەختێ هاتمه ئەڕا لادان، هەوەجی وه گردە‎و کردن هدیەیل نود.

یەکم قورنتییل 6:12

«گشت چشتێگ ئەڕا من ڕەواس» وەلێ گشت چشتێگ ئەڕام سود نێری. «گشت چشتێگ ئەڕا من ڕەواس» وەلێ نێیلم چشتێگ وه سەرمەو زاڵ بود.

یەکم قورنتییل 7:25

وەلێ له باوەت دویەتیلێگ که وەخت شوی کردنێانه، حوکمێگ له خوداوەند نێرم؛ وەلێ وه جیگەێ کەسێگ که له ڕێ بەزەیی خوداوەند شایسەێ دڵنیاییه، باوەڕ خوەم ئویشم.

یەکم قورنتییل 7:40

وەلێ وه باوەڕ من بەختەوەرتره ئەگەر شوی نەکێ و فکر کەم که منیش روح خودا دێرم!

دویم قورنتییل 12:1

باێه شانازی بکەم؛ هەرچەن وەناو ئی شانازیه نەفێگ ئەڕام نیه، رویاییل و وەحیێلێ که له خوداوەند داشتمه، ئویشم.

دویم قورنتییل 8:6

وه ئی بونه، له تیتوس تواسیم هەر ئەوجورە که ئی کار خیر دەسدڵوازانه وەناودان شرو کردوی، تا وه ئاخر بویدێ سەر.

دویم قورنتییل 8:8

ئی دەستوره نیەمه پێدان، بەڵکەم وه بەراورد وەگەرد تەقالاێ کەسیل تر توام ڕاسی مابەتدان ئەزمون بکەم.

دویم قورنتییل 9:2

ئەڕا ئیه که له تاسەدان ئەڕا مەیەت داین ئاگادارم. وه ئی بونه له لاێ ئیمانداریل مەنتەقەێ مەقدونیه شانازی وەپێدان کردمه. وەپێان وەتمه که ئیوه له ناوچەێ ئەخائیه له پارەکه‎ ئەڕا هدیه داین گورجەو بوینه. ئی ئەزرەتدانه فێشتر ئەوانه ئەڕا ئی کاره هان داس.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.