دویم قورنتییل 7:11 - کتاب مقدس به زبان کردی جنوبی - گویش کلهوری

¹¹ ئەڕا ئیه که بوينن که ئی خەم و خوسەێگ که ئەڕا خوداس چ تاسەیلێ وەناودان وه دی هاوردێه: چ تاسەێگ که بیتاوانیدان نیشان بێی، چ توڕەیێگ، چ زاورچینێگ، چ حەسرەتێگ، چ غیرەتێگ، چ ئەدەو کردنێگ. ئیوه خاس نیشاین داینه که له هەر باوەته بیتاوانین.

دویم قورنتییل 7:11 ပူးပေါင်းရင်းမြစ်များ

مەرقوس 3:5

عیسا، وه توڕەێگەو نوڕیه کەسیلێ که وه دەورو وەرێ بین، وه دڵڕەقیان خەمبار بی، وه پیاگه وەت: «دەسد دریژەو بکه.» ئەویش دەسێ دریژەو کرد و دەسێ ساقەو بی.

یوحەنا 2:17

ئمجا شاگردیلی کەفته هویرێان که له ناو کتاو زەبور نویسریاس: «غیرەت ئەڕا ماڵ تو سزنێدەم و کەێدەمه خوڵەکەو.»

کاریل ڕەسولەیل 17:16

وەختێ پولوس وەناو ئاتن چەوەڕێ ئەو دو نەفەره بی، له ئیه که دوینیاد شار پڕ له بتیله، فره پەشێو بی.

رومیەگان 11:20

ڕاس ئویشێ. ئەوانه وه بونەێ بی ئیمانیێان بڕیانه، وەلێ توی له ڕێ ئیمان بەردەوامی. جا لویتبەرز نەو بەڵکەم ڕخد بچود.

رومیەگان 14:18

هەر کەس ویجوره خزمەت مەسیح بکێ، خودا قەبوڵێ کێ و مەردمیش مورێ کەن.

رومیەگان 3:5

وەلێ ئەگەر نادرسێ ئیمه درسی خودا ئاشکرا کەێ، چه باێه بویشیم؟ یانێ خودا ستەمکەره که خەزەوه لێمان گری؟ جور ئایەمیزاێ قسیه کەم.

یەکم قورنتییل 12:25

تا جیاوازی وەناو جەسه نود، بەڵکەم ئەنامیلێ وه یە ئەنازه وه فکر یەکترەکی بون.

یەکم قورنتییل 5:13

خودا خوەێ له باوەت مەردمیل دەیشتەو داوەری کێ. جا «ئەو ئایەم خراوکاره وەناو خوەدان دەرێ بکەن.»

یەکم قورنتییل 5:2

جا ئیوه شانازی کین! ئێ نەبایه ئازیەتبار بوین و کەسێگ که ئیجور کارێگ کردێه وەناو خوەدان دەرێ بکێن؟

دویم قورنتییل 13:7

دوعای ئیمه وه پێشگاێ خودا ئیەسه که هەڵه نەکێن؛ نه تا مالوم بود که ئیمه له ئەزمون سەربەرز هاتیمنەسه دەیشت، بەڵکەم تا ئیوه ئەو چشته که درسه، وه جێ بارین، تەنانەت ئەگەر ئیجوره نیشان بێی که ئیمه شکەس خواردیمنه.

دویم قورنتییل 2:6

ئەدەو کردنێگ که قێر فرەێگدان ئەڕاێ داشتینه، ئەگەر حەێا داشتوی بەسێه دی.

دویم قورنتییل 6:4

بەڵکەم وه گشت چشتێ نیشان دیم که خزمەتکاریل خودایم، یانێ وه تاموڵ فره وەناو بەردیل، سەختییل، بەڵاێیل،

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

دویم قورنتییل 7:7

نه تەنیا وەگەرد هاتنێ، بەڵکەم له ڕێ ئەو دڵنەواییه که له ئیوه گردوی، دڵنەوامانەو کرد. ئەوه له تاسەدان ئەڕا دێن من و خەم فرەدان و غیرەتێگ که لەباوەت من دێرین، خەوەر ئەڕامان هاورد، جوری که فره دڵشادم کرد.

دویم قورنتییل 7:9

وەلێ ئێرنگه دڵشادم، نه وه ئی بونه که خەمبارەو بینه، بەڵکەم وەبونەێ ئیه که خەمباریەگەدان بایس بی توبه بکێن. وەبونەێ ئیه که خەمەگەدان ئەڕا خودا بی، تا هویچ زەرەر و زیانێگ له ئیمه وەپێدان نەرەسێ.

دویم قورنتییل 9:2

ئەڕا ئیه که له تاسەدان ئەڕا مەیەت داین ئاگادارم. وه ئی بونه له لاێ ئیمانداریل مەنتەقەێ مەقدونیه شانازی وەپێدان کردمه. وەپێان وەتمه که ئیوه له ناوچەێ ئەخائیه له پارەکه‎ ئەڕا هدیه داین گورجەو بوینه. ئی ئەزرەتدانه فێشتر ئەوانه ئەڕا ئی کاره هان داس.

ئەفسوسیێل 4:26

«وەختێ توڕەین، هوشدان بود گونا نەکێن»؛ نێلن ڕوژدان تەمام بود و ئیوه هێمراێ توڕه بوین،

ئەفسوسیێل 5:11

وەناو کردەوەیل بی بەر تیەریکی بەشدار نوین، بەڵکەم ئاشکراێان بکەن.

نامەێ فیلیپییل 2:12

جا ئێ عەزیزەیلم، هەر ئەوجورە که هەمویشه گوش تەکانینه، ئێرنگەیش نه تەنیا وەختێگ که هامه لادان، بەڵکەم فره فرەتر وەختێ له لادان نیم، نجات خوەدان وه ترس و لەرزەو بگرنه کار؛

یەکم تسالونیکییل 4:6

هویچکەسێگ نەبایه له ئی باوەته وه حەق براگەێ خوەێ خەتا و دەس‎دریژی بکێ. چوینکه خوداوەند سزاێ گشت ئی کاريله دێ، ئەو جوره که وەرجه ئیه وەتیمنه پێدان و حساوی هەڕەشه له لێدان کردیم.

یەکم نامەێ تیموتاوس 5:20

وەلێ ئەوانه که وه گونا کردن بەردەوامن، وه نوای گشتیەکی بگره گازتاوه تا ئەو باقی زاورێان بچود.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یەکم پتروس 1:17

ئەگەر ئەیو وه باوگ چڕین که هەر کەسێگ بێ دوچەوەکی وه پێ کاریلێ داوەری کەێد، جا دەورەیل غەریوی خوەدان وه خودا ترسی بێەنێ سەر،

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

یەهودا 1:23

بڕێگ وەناو ئاگر بکیشنه دەیشت و نجات بێین؛ وه بڕێگتر وه ترسەو، بەزەیی نیشان بێین. تەنانەت له دڵنگێگ که وه هەواوهەوەس جەسه چەپەڵەو بویه، قیندان باێد.

وەحی وه یوحەنا 3:19

«مه کەسیلێگ گرمه گازتاوه و ئەدەو کەم که دوسیان دێرم. جا غیرەت بیاشتوید و توبه بکه.