دویم قورنتییل 6:8 - کتاب مقدس به زبان کردی جنوبی - گویش کلهوری

⁸ چ حرمەتمان بگرن چ سوکمان بکەن، چ بەێ ناومان بکەن چ وه خاسێ ناومان بوەن. وەگەرد ئیمه جور فێڵبازیل ڕێ رەوشت کریەێ، وەلێ ڕاسەگەێ ئویشیم؛

دویم قورنتییل 6:8 ပူးပေါင်းရင်းမြစ်များ

ئنجیل مەتا 10:25

ئەڕا شاگرد ئیه بەسه جور ماموستاگەێ خوەێ بود و خوڵامیش جور ئەرواوەگەێ. ئەگەر وه ساێو ماڵ وەتنه بعەلزبول که هەر ئەو شەیتانەسه، چەنێ فرەتر بنەماڵەگەێ بەێ ناو کەن؟

ئنجیل مەتا 22:16

ئەوانه شاگردەگانێان وەگەرد هەواخوازیل هیرودیس کل کردنه لاێ عیسا و وەتن: «ماموستا، زانیم پیاێگ ڕاس و درسی و ڕێ خودایش وه درسی یاێ دەێ له کەسێگیش زاورد نیەچود، چوینکه وه شێوەێ کەسێگ نیەنوڕید.

ئنجیل مەتا 27:63

وەتن: «قوروان! هاته هویرمانەو ئەو فریوکاره وەختێ هێمراێ زنی بی، وەتیا، ”له شون سێ ڕوژ زنیەو بوم.“

مەرقوس 12:14

ئەوانه هاتنه ئەڕا لاێ و وەتن: «ماموستا، زانیم پیاێگ ڕاس و درسی و له کەسێگیش زاورد نیەچود، چوینکه وه شێوەێ مەردم نیەنوڕێ، بەڵکەم ڕێ خودا وه درسی یاێ دەێ. باج داین وه قیسەر ڕەواس یا نه؟ ئیمه باێه باج وەپێ بێیم یا نه؟

یوحەنا 7:12

جا وەناو مەردمەگه له باوەت عیسا قسیەو باس فره بی. بڕێگیان وەتیان: «ئەوه پیاێ خاسێگه.» بڕێگتر وەتیان: «نەخیر! مەردمەگه له ڕێ وه دەر کەێ.»

کاریل ڕەسولەیل 10:22

وەتن:«کورنلیوس فەرمانده هناردیەسەمان. ئەوه پیاێگ سالحانه و له خودا ڕخێ چود و گشت قەوم جویلەکە وه خاسێ ناوێ بەن. له لاێ فریشتەێگ موقەدەس ڕێنمایی بیه تا کل بکەێه شوند و دەنگد بکێده ئەڕا ماڵ خوەێ تا قسیەگاند بشنەفێ.»

کاریل ڕەسولەیل 16:39

جا هاتن وەتن باێه بوەخشین و تا دەم دەر زندانەگه کەفتنه گەردیان و لاڵکیانه پێان له شارەگه بچنه دەیشت.

کاریل ڕەسولەیل 22:12

«وەناو دەمشق پیاێگ خوداترس و پایبەن وه شەریعەت وه ناو حەنانیا زنەیی کردیاد، هەر ئیجوره گشت جویلەکەیل وه خاسێ ناوێ بردێان.

کاریل ڕەسولەیل 24:5

«ئیمه خاس دڵنیایم که ئی پیا، شەڕئاشو فتفاتکەرێگه که وەناو گشت جویلەکەیل سەرئانسەر جهان ئاژاوە خیده ڕێ. هەر ئیجوره وه سەردەسەیل فرقەێ ناسریه.

کاریل ڕەسولەیل 28:22

وەلێ خوەشمان تێ له خوەد بشنەفیمن، چوینکه زانیمن که مەردم له هەر شونێگەو باس خراوی ئی فرقه کەن.»

کاریل ڕەسولەیل 4:21

وەشون هەرەشەیل فرەێگ ڕزگاریان کردن و ڕێیگ پەێا نەکردن سزاێان بێەن، ئەڕا ئیه که گشت مەردم وەبونەێ ئەو چشته که هەڵکەفتوی، ستایش خودا کردیان.

کاریل ڕەسولەیل 5:13

هویچکەس له ئەوباقی مەردم جرئەت نەکردیا بچوده ئەڕا لاێان، وەلێ مەردم، فره حرمەتیان گردیان.

کاریل ڕەسولەیل 6:3

جا ئێ برایل، له ناو خوەدان هەفت پیا هەڵوژنن که ناوێان وه خاسێ بەن و پڕ بون له روح و زانیاری، تا بنیمیانە سەر ئی کاره.

رومیەگان 3:8

جا ئەڕا نویشیم: «باین خراوی بکێم تا خاسێ باێه دی»، هەر ئەوجورە که بڕێگ بخت کەنه پێمان و ئویشن که ئیمه ئیجوره ئویشیمن؟ ماکومیەت ئیانه دادپەروەرانەس.

دویم قورنتییل 1:18

قەسەم وه وەفاداری خودا که قسیەگەمان وەگەرد ئیوه ’ئەرێ‘ و ’نه‘ نویه.

دویم قورنتییل 11:21

وه شەرمزاری تەمام باێه ئێقرار بکەم که ئیمه بی هازتر له ئەوه بیمنه که بتویەنیم ئیجور کاریلێ بکێم! ئەگەر کەسێگ وه خوەێ ئجازه دی وه چشتێ شانازی بکێ، هەم وەدواره جور گیلگەوجێگ قسیه کەم، منیش وه خوەم ئجازه دەم وه ئەوه شانازی بکەم.

دویم قورنتییل 12:16

وەلێ تەنانەت ئەگەر قەبوڵ بکێن که بارێگ وه سەر کوڵدان نویمه، هاتێ ئویشین مه ئایەم فێڵبازێگم و وه فێڵبازیەو گولدان دامه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

یەکم تسالونیکییل 2:3

چوینکه ئەگەر هاندان دیم، له ڕوی هەڵه یا خاستەیل ناپاک نیه و نیەتوایم فریودان بێیم،

یەکم نامەێ تیموتاوس 3:7

جا باێه وەناو مەردم دەیشت کلیسا هەر ئیجوره ناوێ وه خاسێ دەر چوی تا ئیه که وه پەنی گیر دام ئبلیس ناید.

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

عبرانییل 13:13

جا باین بچیمنه دەیشت ئوردوگاه ئەڕا لاێ ئەیو و ئەو سەرزەنشته که ئەیو تاموڵ کرد، وه کوڵ خوەمانەو هەڵگریم.

یەکم پتروس 4:14

ئەگەر وەبونەێ ناو مەسیح خراو دانه پێدان، خوەش وه حاڵدان، چوینکه روح جەڵاڵ که هەر ئەو روح خوداسه، وه ملدانەو نیشتەجێ بود.

سێیەم یوحەنا 1:12

گشتیەکی تەنانەت خود ڕاسییش له باوەت دیمیتریوس وه خاسێ شاێەتی دەن. ئیمەیش شاێەتی دیمن و ئیوه زانین که شاێەتی ئیمه ڕاسه.

وەحی وه یوحەنا 3:9

بنوڕ، ئەوانه که له کەنیسەی شەیتانن و خوێان وه جویلەکە زانن وەلێ نیەن، بەڵکەم درو دەن، بنوڕ، وادارێان کەم تا بان و بکەفنه بان پاد و بفامن که مه دوسد داشتمه.