دویم قورنتییل 6:7 - کتاب مقدس به زبان کردی جنوبی - گویش کلهوری

⁷ وه قسیەێ ڕاس و وه هێز خودا، وه چەکیل سالح بوین وه دەس ڕاس و چەپ؛

دویم قورنتییل 6:7 ပူးပေါင်းရင်းမြစ်များ

مەرقوس 16:20

جا ئیانیشه چینه دەیشت و وه گشت جاێ بانگەوازی کردیان، خوداوەندیش له ڕێ ئەوانه کار کردیا و کەڵام خوەێ وەگەرد نیشانەیلێ که وەگەرد ئیانەوه بی، مور کردیاد.

کاریل ڕەسولەیل 11:21

دەس خوداوەندیش وەگەردێان بی و قێر فرەێگ ئیمان هاوردن و ڕوی کردنه خوداوەند.

یەکم قورنتییل 1:24

وەلێ ئەڕا دەنگ کریایەگان، چ جویلەکە و چ یونانی، مەسیح هێز خودا و زانیاری خوداس.

دویم قورنتییل 13:4

وەبونەێ ئیه که هەر چەن وەناو بی هازی وه سەلیب کیشریا، وەلێ وه هێز خودا زنەیی کێ. هەر ئیجوره، ئیمەیش وەناو ئەیو بی هازیم، وەلێ وەگەردیەو وه نوای ئیوه وه هێز خودا زنەیی کەیمن.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

دویم قورنتییل 7:14

ئەڕا ئیه که من له لاێ ئەوه شانازی وەپێدان کردم و ئیوه مه شەرمزارەو نەکردین، بەڵکەم هەر ئەوجورە که هەر چی وەپێدان وەتیم درس بی، مالوم بی که شانازیمان له لاێ تیتوسەو درس بیه.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

ئەفسوسیێل 3:20

ئێرنگه جەڵاڵ ئەڕا خوداێگ بود که تویەنێ وه پێ ئەو هێزه که وەناو ئیمه کار کەی، فره فرەتر له هەر چی بتوایم یا باریمنه وەر چەومان، کار بکێ.

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

یەکم تسالونیکییل 5:8

وەلێ ئیمه چوینکه هن ڕوژيم، بان تا هوشیار بویمن و ئیمان و مابەت هەر جور زرەێگ که سینه پوشنێد بکێمنه وەرمان و ئمید نجات هەر جور کڵاوخود بنیمنه بان سەرمان.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

دویم تیموتاوس 4:7

جەنگ خاسەگە جەنگیمه، موسابقەگه رەسانمەسه ئاخر و ئیمانم بی خڵت خەوش پارێزانمه.

عبرانییل 2:4

وه حاڵێگەو خودایش وه ئەوه شاێەتی دا، وەگەرد نیشانەیل و چشتیل ئەڵاجوی و موجزەیل جورواجور و خەڵاتییل روح‌القودوس، که ئەوانه وه پێ خاست خوەێ بەشەو کردیاد.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.