دویم قورنتییل 6:14 - کتاب مقدس به زبان کردی جنوبی - گویش کلهوری

¹⁴ وەگەرد بی ئیمانیل وه ژێر هویەێ نابەرابەر نەچن، چوینکه چ هاوبەشیێگ ها له بین سالح بوین و شەرئاشویی؟ یا چ دوسیێگ ها له بین نویر و تیەریکی؟

دویم قورنتییل 6:14 ပူးပေါင်းရင်းမြစ်များ

یوحەنا 7:7

جهان نیەتویەنی له ئیوه قینێ باێ، وەلێ له مه قینێ تێ، چوینکه مه له باوەتێەو شاێەتی دەم که کاریلێ گەنه.

کاریل ڕەسولەیل 4:23

پتروس و یوحەنا وەشون ڕزگاری، چینه ئەڕا لاێ هاوڕێیلیان و ئەو چشته که گەوراێیل کاهنيل و شێخیل وەپێان وەتوین، وەتنەو.

یەکم قورنتییل 10:21

نیەتویەنین هەم له جام خوداوەند بنوشین هەم له جام دێویل؛ نیەتویەنین هەم له سفرەێ خوداوەند بخوین و هەم له سفرەێ دێویل.

یەکم قورنتییل 15:33

فریو مەخوەن: «دوس گەن، ڕێ رەوشت خاس گەننێد.»

یەکم قورنتییل 5:9

وەناو ئەو نامەگەم، ئەڕادان نویسام که وەگەرد داوانپێسیل هات‎بچو نەکەن.

یەکم قورنتییل 6:6

وەلێ برا وه زد برا چوده دادگا، ئەویش لەلاێ بی ئیمانیل!

یەکم قورنتییل 7:39

ژن تا وەختێگ شویەگەێ زنیه، بەسریایەسه ملێەو. وەلێ ئەگەر شویەگەێ بمرێ، ڕزگاره وه هەر کەسێگ که بتواێ شوی بکێ، تەنیا وه مەرج ئیه که وه خوداوەند ئیمان بیاشتود.

نامەێ فیلیپییل 2:15

تا بیتاوان و ساده دڵ و مناڵیل بی نەخس خودا بوین، وەناو نەتەوەێ گەنیاێ و له ڕێ دەرچی که وەناو ئەوانه هەر جور هەساریل وەناو ئی جهانه درەوشین،

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.