دویم قورنتییل 6:1 - کتاب مقدس به زبان کردی جنوبی - گویش کلهوری

¹ وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

دویم قورنتییل 6:1 ပူးပေါင်းရင်းမြစ်များ

ئنجیل مەتا 23:37

«ئێ ئورشەلیم، ئێ ئورشەلیم، ئێ شارێگ که قاتڵ پەێخەمەریل و کوچگوارانکەر کەسیلێگید که کل کریەنه لاێ تو! چەن جار تواسم جور مامرێگ که جویجگەگانی له ژێر باڵیل خوەێ گردەو کەید، مناڵەگاند گردەو بکەم، وەلێ نەتواسێ!

کاریل ڕەسولەیل 11:23

وەختێ ڕەسیه ئەوره و فیز خودا دی، دڵشادەو بی و گشتێان هان دا تا وه کوڵ دڵەو وه خوداوەند وەفادار بمینن،

کاریل ڕەسولەیل 14:3

جا پولوس و بەرنابا ماوەێ فرەێگ وه ئەوره مەنن و وه ئازای له باوەت خوداوەند قسیه کردیان، خوداوەندێگ که وه ئەوانه هێز ئەنجام نیشانەیل و موجزەیل دیاد و وەئیجوره پێخام فیز خوەێ مور کردیاد.

رومیەگان 12:1

جا ئێ برایل، له وەر پرشەێ بەزەیێل خودا، لاڵکمه پێدان که جەسەیلدان جور قوروانیێگ زنی و موقەدەس و دڵخواز خودا پیشکەش بکەن، که پەرەسش روحانی ئیوه هەر ئیەسه.

یەکم قورنتییل 3:9

ئیمه تەنیا هاوکاریل خودایمن و ئیوه زەویزار و ماڵێگ هن خوداین.

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

نامه وە غەلاتییل 2:21

فیز خودا وه هویچ حساو نیەکەم، چوینکه ئەگەر سالح بوین له ڕێ شەریعەتەو وه دەس باتیاد، ئێ دی مەسیح وه هویچ پەتی مرد.

نامه وە غەلاتییل 3:4

ئێ ئی هەمگه عەزاوه وه هویچ پەتی کیشاینه؟ مەگەر ئیەکه وه ڕاسی هویچ پەتی بیه!

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

تیتوس 2:11

چوینکه فیز خودا ئاشکرا بیه، فیزێگ که ئەڕا گشت مەردم نجات تیەرێ و

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

یەکم پتروس 4:10

هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.